Berdevka UNICEF’ê ya Neteweyên Yekbûyî Tess Ingram derbarê êrişên Îsraîlê yên li ser Xezeyê de daxuyanî da.
Di daxuyaniyê de hat destnîşankirin ku ji 10’ê Cotmeha 2025’an ve zêdetirî 70 zarok hatine kuştin.
Berdevka UNICEF’ê ya Neteweyên Yekbûyî Tess Ingram ragihand ku ji 10’ê Cotmehê ve, ji dema destpêka agirbestê ve, zêdetirî 70 zarok li Xezayê hatine kuştin.
Berdevka Fonên Alîkariyê ya Zarokan a Neteweyên Yekbûyî ango UNICEF’ê Tess Ingram beşdarî civîna rojnamevanî ya heftane ya Ofîsa Neteweyên Yekbûyî ya Cenevreyê bû û nirxandin kir.
Tess Ingram bal kişand ser wê yekê ku agirbesta 2 mehan a li Xezeyê divê ji malbatan re ewlehî peyda bike û wiha got:
“Ji 10’ê Cotmeha ku agirbest dest pê kir ve, zêdetirî 70 zarok hatin kuştin.
Xwîn û birîndarî kêmtir tê dîtin, lê li her derê heye.”
Tess Ingram: Ji cotmeha 2023’yan ve ji ber birçîbûnê 165 zarok mirine
Tess Ingram diyar kir ku ji Cotmeha 2023’yan ve bi sedema kêmxwarinê bi kêmanî 165 zarok li Xezeyê jiyana xwe ji dest dane.
Her wiha destnîşan kir ku di nav jinên ducanî û şîrdan de rêjeya kêmxwarinê zêde bûye.
Ingram binxêz kir ku kêmxwarina tund a jinên ducanî û şîrdan û nebûna xwarina pêwîst “bandoreke wêranker” li ser bi hezaran pitikên nûbûyî dike û wiha dewam kir:
“Min li nexweşxaneyên Xezayê çend pitikên nûbûyî yên bi kêrî kîloyekê jî nebûn dîtin; sînga wan a biçûk ji bo jiyanê bi zehmetî dihatin jor û jêr.”
Ingram ragihand ku pitikên bi kîloya kêm ji dayik bûne, li gorî yên bi kîloya normal, îhtîmala mirina wan nêzîkî 20 qat zêdetir e û wiha axivî:
“Li gorî Wezareta Tenduristiyê ya Xezeyê, beriya şer di sala 2022’an de mehane bi navînî 250 pitik, yanî ji sedî 25ê nûbûyî, bi kîloyeke ji 2,5 kîlo kêmtir dihatin dinyayê.
Di nîvê yekem a sala 2025’an de tevî ku hejmara jidayikbûnan kêm bû jî, ev rêje derket ji sedî 10’ê hemû jidayikbûnan, yanî mehane nêzîkî 300 pitikan.
Di 3 mehên beriya agirbestê de ev hejmar gihîşt 460 pitikan.
Ev tê wateya rojane 15 pitik. Yanî hema hema du qatê navîniya beriya şer.”
“Ji Xezayê re alîkariya zêdetir pêwîst e”
Tess Ingram diyar kir ku kîloya kêm a jidayikbûnê bi gelemperî ji xwarina dayikê, stresa wê û nebûna lênêrîna beriya jidayikbûnê pêk tê.
Ew li Xezeyê şahidê her sêyan bûne, lê bersiva têr nehatiye dayîn û got:
“Tenê di meha Cotmehê de 8 hezar û 300 jinên ducanî û şîrdan ji ber kêmxwarina tund hatin rakirin ji nexweşxaneyê re”
Berdevka UNICEF’ê destnîşan kir ku beriya Cotmeha 2023’an di vê komê de tu bûyera kêmxwarinê ya berbiçav nebû.
Ingram teqez kir ku ji bo zêdekirina mudaxeleya li hember kesên kêmxwarin, divê alîkariya mirovî ya zêdetir bigihîje Xezeyê.
Tess Ingram dibêje vekirina Deriyê Sînor ê Refahê yê li başûrê Xezayê dikare alîkariya kamyonên mirovî zêde bike û hejmara zarokên kêmxwarin kêm bike.
