Di nav hemû civak û gelan de rojên girîng û pîroz hene.
Yek ji wan jî Cejna Êzî ya civaka me ya êzidî ye ku her sal weke rêûresmeke dîrokî tê pîrozkirin.
Bi boneya vê rojê gelek partî û rêxistinên siyasî cejna ezî pîrozkirin.
Cejna Êzî piştî rojiya 3 rojan ji aliyê Êzidiyan ve tê pîrozkirin.
Rêveberiya Xweser a Bakur û Rojhilatê Sûriyê ev cejin li tevahî Civaka Êzidî pîroz kir û hêvî kir ku di nava xêr û aştiyê de pîroz bike.
Civaka Êzidî di dirêjahiya dîrokê de di sûcên hovane û fermanan re derbas bûye.
Lê ruxmî her tiştî civaka Êzdî bi kok, dîrok û baweriya xwe ve girêdayî man.
Rêveberiya Xweser herî dawî diyar kir ku Cejina Êzî dê bibe rêya jiyana hevbeş û biratiya di nava hemû pêkhateyên de.
Konseya rêveber a KNK’ê Cejna Êzî pîroz kir
Konseya Rêveber KNK’ê jî bi daxuyaniyekê Cejna Êzî li civaka Êzidî û tevahiya mirovahiyê pîroz kir:
Di daxuyaniyê de KNK’ê got ev 10 sal in Şengal hatî azadkirin.
Lê mixabin koçberên Şengalê heta niha jî, bi temamî venegerîne ser axa xwe û weke tê xwestin Şengal nehatiye avakirin.
Pêwîst e rewşa Şengalê bi awayekî taybet û hesas bê nirxandin.”
KCDK-e Cejna Êzî li civaka Êzidî pîroz kir
Di heman çarçoveyê de Kongreya Civakên Demokratîk a Kurdistaniyên li Ewropayê bi peyamekê Cejna Êzî pîroz kir.
“Bi serkeftina têkoşînê re Cejn wê bibin rojên tifaq û aştiyê”
KCDK-E’yê di pîrozbahiyê de diyar kir ku ew bi hêvî ne Cejna Êzî bibe wesîleya aştî û aramiya li tevahiya Kurdistan û Rojhilata Navîn.
Gelên Ezdî li hemberî hemû êrîş û gefên ku li ser wan dihatin meşandin têkoşîna xwe berdewam kirin.
Divê hemû saziyên Êzidî, rûspiyên bawerî û olî erka yekîtî û rêxistinê bigirin ser xwe.
Bafil Talebanî Cejna Êzî li civaka Êzidî pîroz kir
Serokê Yekîtiya Nîştimaniya Kurdistan (YNK) Bafil Talebanî jî bi boneya Cejna Êzî ya civaka Êzidî peyamek pîrozbahiyê weşand.
Di peyamê de diyar kir ku ew ji bo normalîzekirina rewşa herêmê dixebitin û YNK dê ji bo dabînkirina jiyaneke xweştir ji bo Êzidiyan tim wê di nav helwdanan de be.
Talebanî got;
“Em dixwazin ku Êzidiyên serbilind careke din nebin qurbaniyên nakokiyên siyasî û vegerin ser warê bav û kalên xwe.”
