Laurent Simons ê Belçîkî yê ku wekî “zarokê jêhatî” tê nasîn, hîn di 15 saliya xwe de bi bidestxistina doktora di warê fîzîka kuantumê de bal kişand ser xwe. Simons, li Zanîngehê teza doktora xwe bi serkeftî qedand.
Armanca wî ew e dixwaze li ser dirêjkirina temenê mirovan bixebite.
Laurent Simons ê Belçîkî (lorent sîmons), di sala 2022’yan de hîn di 12 saliya xwe de, li Zanîngeha Antwerpê perwerdehya lîsansa fîzîkê bi serkeftineke bilind qedandibû.
Bernameya ku bi gelemperî sê salan digire, tenê di 18 mehan de temam kiribû.
Simons ku di 8 saliyê de dibistana navîn qedandibû, piştî van serkeftinan, şirketên teknolojiyê yên mezin ên li Amerîka û Çînê razemenên cihêreng pêşniyarên piştgiriyê dane wî.
Lê malbata wî, ji ber ku pêşî li beşdariya xebatên kurê wan di warê tibê de digirin, van pêşniyaran red kirin.
Armanca simons dirêjkirina temenê mirov e
Armanca Laurent jî ji temenê pir biçûk ve zelal bû: Dirêjkirina temenê mirov, heta gengazkirina nemiriyê di wateya biyolojîk de.
Laurent Simons, bi fikra hev girêdana fîzîkê bi kîmya, tib û zekaya çêkirî re tê nasîn.
Di 9 saliyê de li Zanîngeha Teknolojiyê ya Eindhovenê dest bi endezyariya elektrîkê kiribû, lê ji ber nakokiyên di pêvajoya mezûniyetê de ji vê bernameyê veqetiya û li Antwerpê berê xwe da fîzîkê.
Simons ku li Enstîtuya Max Planck a Almanyayê di warê optîka kuantumê de staj kir, li vir lêkolîn kir ka fîzîk çawa dikare bi tibê re hev bigire.
Sîmons bi hev girêdana fîzîkê bi kîmya, tib û zekaya çêkirî re tê nasîn
Laurent Simons ku rasterast piştî parastina doktorayê bi bavê xwe re çû Munichê (munîh), li vir dest bi bernameya doktora duyemîn di warê zanistên tibê yên baldar li ser mejîyê çêkirî kir.
Bavê wî diyar kir ku ev perwerde ji warê fîzîkê cuda ye.
Tevî ku hîn 15 salî ye jî, Laurent Simons di kariyera xwe ya zanistî de bi lez ber bi pêş ve diçe.
