Endama Meclîsa Dayikên Aştiyê Rewşan Doner, li navçeya Bağcılar a bajarê Stenbolê a tirkiyê piştî ku wesayîteke sivîl lê da, bi giranî birîndar bû. Ajokar ji cihê bûyerê reviya û rewşa Rewşan Döner hîn jî giran e.
Endama Meclîsa Dayikên Aştiyê Rewşan Doner, li navçeya Bağcılar a Stenbolê piştî ku wesayîteke sivîl lê da, bi giranî birîndar bû. Bûyer li dora nîvro li Bağcılar a Stenbolê qewimî. Dema ku li rawestgeha otobusê ya li Kolana Osmangazî Rewşan Doner sekinîbû û hewl dida ku kolanê derbas bike, wesayîteke sivîl lê da. Ajokar ku nasnameya wê hîn nayê zanîn, bêyî ku raweste bi lez û bez ji cihê bûyerê reviya.
Rewşa wê giran e
iştî agahdarkirin kesên li cihê bûyerê, tîmên tendirustiyê gihîştin cihê bûyerê û Rewşan Doner birin Nexweşxaneya Dewletê ya Bağcılar. Niha tê dermankirin û jiyana wê di xetereyê de ye.
