Parêzvanên Siwêdayê ragihand ku di êrişên hikumeta demkî de 7 kes hatine kuştin, 4 kes birîndar bûne û 19 kes jî hatine revandin.
Fermandariya Hêzên Parêzvanên Nîştimanî yên Siwêdayê der barê rewşa 24 saetên dawîn a li herêmê de daxuyaniyek weşand.
Di daxuyaniyê de de hate diyarkirin ku hêzên hikumeta demkî ya Sûriyeyê ji duh sibehê heya berbanga îro binpêkirinên sîstematîk li dijî şêniyên Siwêdayê pêk anîn.
Li gorî daxuyaniyê, di encama van binpêkirinan de, 7 kes hatine kuştin û 4 kes birîndar bûne û 19 kes jî hatin revandin.
Di daxuyaniyê de hate diyarkirin ku 3 kes li bajarokê Necranê di nava zeviyên çandiniyê de hatin kuştin, 12 sivîl li benda kontrolê ya bajarokê Metûnayê hatin girtin i û li herêma navbera bajarokên Beka û Berd de 4 kes hatin kuştin û 7 jî hatin revandin.
Her wiha hat destnîşankirin ku bajarokê Bekayê bi 2 dronan hat bombekirin û yek ji wan hat xistin, di encamê de kesek birîndar bû.
Di daxuyaniyê de hat gotin, bajar bi mûşekên Grad hat hedefkirin, di encamê de malek şewitî û 3 jin birîndar bûn.
