Şerê li Rojhilata Navîn berfireh dibe.
Welatên Kendavê ji ber êrişên li ser wan dinalin.
Îranê bi dijwarî êrişî Erebîstana Siûd, Îmarat û Bahreynê kir.
Hemwextî vê, gefa bicihkirina mayînan li Tengava Hurmuzê dubare kir.
Hikumet û rêveberiya Îsraîl êdî ji wêyekê bawere ku şerê li dijî Îranê wêdirêj bike.
Ev peyam di hefteya çaremîn a şerê navbera aliyan de jî hate dubarekirin.
Îsraîl: Dibe ku şer bi hefteyan bidome
Berdevka Hêzên Parastinê yên Îsraîlê, diyar kir ku şer “dikare bi hefteyan bidome”, û got;
Operasyon dê bi biryardarî dewam bikin.
Îranê bi dijwarî êrişî welatên Kendavê kir
Ev şerê dijwar yê li ser erdê veguheriye krîzeke ewlehiyê ya berbiçav a li Kendavê.
Îranê bi mûşek û dronan êrişî Îmarat û Erebîstana siûdî kir
Erebistana Siûdî û Îmaratê di saetên sibehê de bûn armanca êrîşên mûşekî û dronan hatin.
Sîstemên parastina hewayî hatin aktîfkirin.
Hate ragihandin ku hin bermahî ketine nav deverên niştecihbûnê û birîndar hene.
Li Behrênê Alarm: Welatiyan berê xwe dan stargehan
Hemwextî vê, li Behrêynê jî dengê sîrenan bilind bû û welatiyan berê xwe dan stargehan.
Dema ku ev êriş pêk dihatin, Tehranê asta gefên gefên xwe zêdetir kir.
Îranê berê diyar kiribû ku di rewşa êrîşeke li ser peravên wê de ew dikare li Kendava Farisî mayin bicih bike.
Îranê gef li Îsraîl-DYA xwar: Hemû navendên we dê bibin armanc
Lêbelê, ev peyam îro hîn dijwartir hate dubarekirin.
Berdevkê Fermandariya Hêzên Çekdar ên Îranê, “tedbîrên cezakirinê” yên ku dê li dijî êrîşeke muhtemel a Amerîkayê werin girtin rêz kir.
Li gorî wî, Tengava Hurmuz dê bi tevahî were girtin, binesaziya enerjî û ragihandinê ya Îsraîlê dê bi berfirehî bibin armanca êrişên wan.
Her wiha, şîrketên Amerîkî yên li herêmê dê werin wêrankirin, û navendên enerjiyê yên li welatên ku baregehên Amerîkî lê ne dê wekî “armancên rewa” werin dîtin.
Van gefan bi xwere nîşaneyên ku şer wê derbasî qonaxeke nû bibe, diyar kir.
CENTCOM: Fermandar û pêşengên Îranê ji tirsan di jêrzemînan de mane
Amerîka jî li pey kuştina lîderên Îranê ye.
Fermandarê CENTCOM’ê Brad Cooper îdîa kir ku fermandarên payebilind ên Îranî di jêrzemînan xwe veşartine û leşkerên wan yên ser erdê bêparastin man e.
Niha hemû çav li ser pêşketinên li ser erdê û gavên dîplomatîk ên muhtemel in.
