Serokê DYA Donald Trump yê leşkerên xwe ji Almanya vedikişîne vê carê berê wan dide Polonya.
Washingtonê ragihand ku ew ê, 5 hezar leşkerên din bişînin Polonyayê.
Trump li ser hesabê xwe yê medyaya civakî ragihand ku 5 hezar leşkerên din ên Amerîkî dê ji bo Polonyayê werin şandin.
Wî têkiliya xwe ya nêzîk a bi Serokê nû yê Polonyayê Karol Nawrocki re wekî sedema biryarê destnîşan kir.
Lêbelê, ev daxuyanî bi gotinên Washingtonê yên di hefteyên dawî de nakok bû.
Peyamek nakok ji Washingtonê: Vekişîn an xurtkirin?
Ji ber ku Pentagonê vê dawiyê ragihand ku hejmara leşkerên Amerîkî li Ewropayê wê kêm bibe, û hin bicihkirinên plankirî bo Almanya û Polonyayê jî hatine rawestandin.
Gava nû ya Trump heta di nav NATOyê de jî bû cihê matmayînê.
Heta berpirsên Wezareta Parastinê ya Amerîkayê jî gotin, ew hûrgiliyên biryarê nizanin.
Di vê navberê de, Wezîrê Derve yê Amerîkayê Marco Rubio peyamek tund ji Ewropayê re şand.
Rubio rexne li endamên NATOyê kir ji ber ku di krîza Îranê de, piştgirîya têrker nedane Washingtonê.
