Neteweyên Yekbûyî bertek nîşanî vegerandina bi zorê ya penaberên Efxan bo welatê wan da.
Komîserê Bilind ê Mafên Mirovan ê NY Volker Turk diyar kir ku vegerandina bi zorê ya penaberên Efxanî qanûna navneteweyî binpê dike.
Volker Turk got, Efxanên ku hatine dersînorkirin dikarin bi binpêkirinên mafên mirovan ên cidî re rû bi rû bimînin.
Li gorî wî jin, karmendên berê yên hikûmetê, rojnamevan û nûnerên civakî li Efxanî di xetereyeke mezin de ne.
NY hişyarî da ku ev kes dikarin rastî muameleya xerab û êşkenceyê werin
Her çend zext, bi taybetî li dijî jinan, li Efxanan di bin kontrola Talîbanê de dewam dike, nîqaşên dersînorkirinê li Ewropayê jî zêde dibin.
Her çend tê gotin, YE di derbarê vegerandinê de bi Talîbanê re di têkiliyê de ye, tê îdîakirin ku hin welat, di nav de Almanya, tedbîrên tundtir dixwazin.
Li gorî daneyên NY, ji destpêka salê ve nêzîkî 270 Efxan ji Îran û Pakistanê hatine şandin.
NY diyar kiriye ku rewşa mirovî li welêt xirab e û tundûtûjî zêde dibe.
