Li gelek deverên herêma Cizîrê şewat bi zevîyên çandiniyê dikevin.
Tenê îro ji zêdeyî çar cîhan agir rû da.
Ew jî ziyanên mezin ji bo xwediyê zeviyan ,bi xwe re anî.
Li aliyekî din jî, tîmên agirkujê xebata xwe didomînin û bi her awayî hewldanên xwe ji bo pêşîgirtina li agir û şewatê dikin.
Îro di demjimêrên nîvro de şewatek mezin li gundê Xeznê yê herêma Çiyayê Kizwana çêbûye .
Tîmên agirkujê û şêniyên ji Til Temirê ew şewat vemirandin.
Lê di encamê de ziyank mezin li berhema ceh bû, ku nêzî 1000 donim şewitî .
Li gor agahiyan ji ber hewaya xurt û ziwabûna giyayan agir zû belav bû.
Ev di demekê de pêk hat ku cotkar amadekariya çinînê dikin.
Li Hesekê 2 şewat hatin kontrol kirin
Li Hesekê jî 2 şewat li zeviyên çandiniyê ru dan.
Li gundê Hirmilê li ser rêya bajarokê Sefiya şewatek bi firêzeyekê ku 20 donim ket.
Beriya ku bigihîje zeviya genim, ji aliyê tîmên agirkujiyê hat vemirandin.
Li aliyekî din tîmên agirkujiyê şewata giyayan a li derdora rêya taxa Ezîziyê beriya ku bigihe erdê derdor, vemirandin.
Tîmên agirkujiyê diyar kir ku heta niha sedemên her du şewatan nayên zanîn.
Li gundê Şemam ê Çilaxayê şewatek bi zeviya ceh ket
Li gundê Şemam ê Çilaxayê jî şewatek bi zeviya ceh ket.
Li gor çavkaniyan, şewat ber çirûska kehrebê pêk ketiye.
Beriya ku ziyanên mezin çêbibin, agir ji aliyê şêniyên gund ve hat vemirandin.
