24’emîn Civata Giştî ya KNK’ê di dîplomasiya neteweyî ya Kurd de îmzeyeke dîrokî avêt.
Di roja dawî ya civakê bi dengên delegeyan hate erêkirin ku ji bo ku gelê Kurd bi statuya çavdêrî di NY’ê de cih bigirin, nameyeke fermî ji bo Sekreteriya Giştî ya NY’ê bê pêşkêşkirin.
Di nameyê de hat gotin, divê kurd ji alilyê NY’ê ve wekî neteweyeke werin naskirin.
Di rûniştinên roja duyemîn a 24’emîn civata giştî ya KNK’ê, zemîna pratîkî ya yekîtiya neteweyî û stratejiyên dîplomasiya navneteweyî hatin nîqaşkirin.
Di lîjneya giştî de ji aliyê delege û nûnerên saziyê ve pêşniyarên erkdarkirina komîsyoneke ji bo birêvebirina rêbaz û pêvajoyên amadekariyê yên ji bo xebatên konferans û kongreya neteweyî hate gotobêjkirin.
Ji bo statuya çavdêr ya gelê Kurd nameyek ji NY’ê re hat şandin
Her wiha ji bo statuya çavdêr ya gelê kurd nameyek ji NY’ê re hat şandin.
Di nameya ku hate xwestin ku Kurd gelê herî mezin ê bê dewlet in, di qada navneteweyî de bi awayekî fermî werin naskirin de û wiha hat gotin:
Kurd divê ji aliyê NY’ê ve wekî neteweyeke werin naskirin
Ji aliyê her kesî ve tê zanîn ku em rastî êrîşên çekên kîmyewî, koçberiya girseyî hatin û neçar hatin hiştin ku rûbirûyê sûcên li dijî mirovahiyê û sûcên din ên şer ên ji aliyê aktorên dewletê ve hatin.
Em Kurd wekî neteweyeke 60 milyonî, ne tenê ji dewletbûnê di heman demê de ji naskirina wekî neteweyeke jî bêpar têne hiştin.
Heta niha li NY’ê, li ser navê me hin kesên din axivîn.
Dem hatiye ku gelê Kurd êdî bi navê xwe biaxive.
Me tevkariyên girîng di curbecurbûna çandî, dîrokî û zimanî ya Rojhilata Navîn kir.
EM wekî Kurd, bi saxî ji hewldanên asîmîlasyonê û pêla paqijiyê yên etnîkî ku armanc dike ku hebûna wan bi dawî bike, rizgar bûn.
Banga me ev e; Kurd ji aliyê NY’ê ve wekî neteweyeke werin naskirin, ji bo gelê Kurd li NY’ê statuta dewleta çavdêr a bêyî endambûnê were dayîn.
Hevserokên KNK’ê: Emê hemû rexne, pêşniyar û perspektîf di xebatên serdema nû de li ser bisekinin
Hevserokên KNK’ê Ahmet Karamûs û Zeynep Murad di axaftina xwe de gotin:
Hemû rexne, pêşniyar û perspektîfên delege û nûnerên saziyan ên di tevahiya lîjneya giştî de hatine notgirtin û di xebatên serdema nû de bêyî kêmanî were dîqetkirin.
Eqlê hevpar ku di rûniştinan de derket, hêzekî mezin bide yekîtiya neteweyî û fealiyetên dîplomasiyê yên ku werin meşandin.
Wê ji bo Barzanî û Talabanî name were nivîsandin
Dîwanê ragihand ku ji bo nîqaşên li dora konferansa neteweyî hatin veguherîn gavên şênber bîne, wê ji bo Serokê Giştî yê PDK’ê Nîçirvan Barzanî û Serokê Giştî yê YNK’ê Bafil Talabanî, name werin nivîsandin.
Civîna Lîjneya KNK’ê ya du rojan bi vî rengî bi dawî bû.
