Kongra Star bi peyamekê sersaxî da malbata Dua Silo, hevkariyên wê û got, “Duayê jiyana xwe ji bo xizmetî civaka xwe û parastina doza jinê terxan kir.“
Kongra Star bi peyamekê sersaxî da malbata Dua Silo û hevkarên wê.
Daxuyanî wiha ye:
“Kongra Star bi xemgîniyeke kûr nûçeya koça dawî ya rojnamevana ciwan Dua Silo wergirt. Duayê jiyana xwe ji bo xizmetî civaka xwe û parastina doza jinê terxan kir û heta kêliyên dawiyê dilsozê peyama xwe ya mirovî û ragihandinê bû.
Dua Silo mînaka rojnamevanek bû ku bi nirxên azadî, demokrasî û edaleta civakî ve girêdayî bû. Wê karê xwe yê medyayê ji bo ragihandina rastiyê û parastina pirsgirêkên jin û civakê terxan kir. Bi xebata xwe ya li radyoya Dirbêsiya FM û pêşkêşkirina bernameya “Dengê Dayikan” karîbû bi awayekî profesyonel û berpirsiyar fikar û daxwazên jin û dayikan vebêje, beşdarî bilindkirina dengê wan û xurtkirina hebûna wan di qada giştî de bû.
Dua Silo ne tenê rojnamevanek bû; ew kesayetek bi bandor bû ku şopek zelal li qada medyaya azad hişt. Ew bi jêhatîbûn, wêrekî û dilsoziya xwe ya ji bo mîsyona xwe dihat nasîn. Ew her wiha bi mirovahiya xwe ya paqij û ruhê hevkariyê ve dihat nasîn û di rêwîtiya xwe de nirxên hevgirtin û xebata hevkariyê xurt kir, rêz û teqdîra hemû kesên ku wê nas dikirin an jî rêwîtiya wê dişopandin qezenc kir. mirina Dua Silo windakirina biêş a kesayetiyeke medyayî ya navdar e ku jiyana xwe ji bo xizmetkirina civaka xwe û parastina pirsgirêkên jinan terxan kiriye. Rêwîtiya wê ya pîşeyî û mirovî dê ji bo hemû kesên ku wê nas dikirin an jî karê wê dişopandin çavkaniya serbilindî û îlhamê bimîne.
Em sersaxiyên xwe yên kûr ji malbata wê, malbata wê ya medyayî ya radyoya Dirbêsiya FM û hemû hevkar û hezkiriyên wê re dixwazin. Em diyar dikin ku bîranîna Dua Silo dê di dilê me de zindî bimîne û peyama wê ya mirovî û medyayî dê berdewam bike ku bibe çirayek ku rêya hêvî û bexşînê ronî dike.
Xwedê rehma xwe li giyanê Dua Silo bike, sebir û aramiyê bide malbat, hevkar û hezkiriyên wê.”
