Şerê navbera Amerîka û Îranê dikeve qonaxeke nû.
Li gorî medyaya Amerîkayî, Washington xwe amade dike ku hêza leşkerî li Rojhilata Navîn zêde bike.
Amerîka êrişî nêzî 10 bajarên Îranê kir.
Tehranê weke bersiv welatên Kendavê da ber xwe.
Di nava rewşa heyî de nirxê petrolê careke din bilind dibe.
Şerê navbera Amerîka û Îranê şeva nehemîn de jî ranewestiya.
Hêzên Amerîkayê bi hinceta parastina rêyên bazirganiyê li Tengava Hurmuzê, gelek armancên leşkerî yên li nav Îranê bombebaran kirin.
Li gorî daxuyaniya CENTCOM’ê, di operasyona dawî de navendên fermandariyê, pergalên parastina asmanî, cihên avêtina mûşekan û gelek xalên din hatine armanckirin.
Çapemeniya Îranê jî ragihandin ku gelek bajar û navçeyên wekî Tebrîz, Çabahar, Konarak, Mahşehr, Bender Îmam Xumeynî, Sirik û Buşehr di nav cihên êrişî wê hatîn kirin de ne.
Trump: Di warê leşkerî de ziyanên mezin li Îranê bûye
Serokê Amerîkayê Donald Trump got,
Êrîşên dawî wekî bersiva mirina leşkerên Amerîkayî pêk hatin.
Wî îdia kir ku Îran di warê leşkerî de windahiyên giran daye.
Îranê êrişî navendên Amerîka yên li Kuweyt û Bahreynê kir
Ji aliyê din ve, Rêveberiya Tehranê dibêje ji bo kêmkirina aloziyê pêşniyar wergirtin.
Tehran hemwextî vê bi êrîşên li bingehên Amerîkayê yên li herêmê bersiv dide.
Li Kuweytê pergala parastina asmanî balafirên bêmirov ên hatine şandin bêbandor kir.
Li Behreynê jî sirenên hişyariyê lêdan û ji welatiyan hate xwestin ku li cihên ewle bimînin.
Li gorî Wall Street Journal û New York Times, Washington li ser berfirehkirina operasyonên leşkerî dixebite.
Di van planan de şandina balafirên F-16, F-35 û balafirên dagirtina sotemeniyê ji bingehên Ewropayê bo Rojhilata Navîn jî cih digire.Di heman demê de, alozbûna li Tengava Hurmuzê bandora xwe li bazara cîhanî jî hiştiye.
Bihayê petrolê dîsa bilind bûye û varelê petrolê ji 91 dolarî derbas bûye.
Çavdêran hişyar dikin ku ger şer bi heman awayî dewam bike, dibe ku ji sînorên niha derbas bibe û tevahiya herêmê bikeve qonaxeke nû ya mertirsîdartir.
