Virûsa corona ku ji sedî zêdetir li welatên cîhanê belav bûye û jiyana zêdetirî 4 hezar kesan bi dawî kir, hîna jî neketiya kontrolê û bi xwe re gelek ziyan jî anî.
Hat raghanin ku ber virûsê li zêdetirî 22 welatan dibistan hatin rawestandin û nêzî 300 milyon zarok ji perwerdeyê mane.
Metirsiya cîhanê corona, hîna jî belav dibe..
Li Çînê ku virûs jê derket û berbelavî cîhanê bû, hat raghandin ku asta jimara kesên ku nû bi virûs dikevin kêm bûye.
Li hemberî vê Rêxistina tenduristiyê ya Cîhanê virûs weke virûsa belavbûyî bi nav kir.
Rêxistinê ragihand ku di herdu hefteyên dawî de rêjeya kesên ku li derveyî Çînê bi virûsê ketine, 13 qatan zêde bûye.
Welatê herêmê ku herî zêde corona bandor bûye jî Îran e.
Li welat 75 kes mirin û jimar giştî bû 429.
Her wiha di nav kesên ku nû bi virûsê ketine, cîgirê serokê welat jî heye.
Ji ber vîrûsê Îranê sînorên xwe yên bi Tirkiyê re girt.
Li Iraqê jî 4 rewşên nû hatin tomarkirin.
2 li Necef û Kerbela û 2 jî li Başûrê Kurdistanê.
Waliyê Silêmaniyê Dr. Heval Ebubekir bang li welatiyan kir ku ger ne girîng be ji malên xwe dernekevin.
Şaredariya Wargeha Penaberan a Şehîd Rûstem Cûdî (Mexmûr) jî kolan, sazî û cihên komî derman kir.
Li Amerîka ku ji gelek aliyan ve weke çêkera virûsê û sedema belavbûna wê tê binavkirin,
Serokê Amerîkî Dunald Trump çûnûhatina asmanî heya 30 rojî rawestand.
Ev biryara Trump rastî nerazîbûna rayedarên Ewrupayê hat û hişyar dan ku “ev yek wê çalakiya aborî pûç bike.”
Piştî mirina 38 kesan rêveberên Amarîka jî li wê yekê mikur hatin ku dibe bi hezaran Amerîkî bi virûsê bikevin.
Li Îtaliya ku piştî Çînê welatê Ewropa yê ku herî zêde virûs lê belavb bûye, ji bilî dermanxane û dikanên firotina pêdiviyên xwarinê, hemû xebatên Aborî yên li welat hatin rawestandin.
Li gorî hejmarên fermî jimara kesên ji ber virûsê mirine 800 kes derbas kir.
Li Cezayîr, Yûnan, Ewusturiya jî vîrûsê kesên din li qutbaniyên xwe zêde kir.
Ji ber belavbûna virûsê û weke tedbîr li pêşiya belabûna wê, li gelek welatan dibistan ketin betlaneyê.
UNESCO ragihand ji ber virûsê li zêdetirî 22 welatan dibistan hatin rawestandin û nêzî 300 milyon zarok ji perwerdeyê dûr ketin.
Heta niha li cîhanê 127 hezar û 863 kes bi virûsê ketine, 4 hezar û 718 bi virûsê mirine û 68 hezar û 310 kes jî, ji virûsê rihet bûne.
