Wezîrê Karê Hundir ê Tirkiyê, ji bo 2 rojan li 31 bajarên Tirkiye û Bakûrê Kurdistanê biryara nederketina derve îlan kir. Wezîrê Dadê yê Tirkiyê jî hevdîtinên li girtîgehan heta 30’ê Nîsanê qedexekir.
Piştî xemsariyeke mezin û belavbûna bi lez a Vîrûsê, Wezîrê Karê Hundir ê Tirkiyê Suleyman Soylo di nav de li 8 bajarên bakurê Kurdistanê, li 31 bajarên Tirkiyê biryara nederketina derve ji bo 2 rojan ragihand..
Ev qedexe piştî gelek gazin û rxneyên aliyên muxalif ji hikûmeta AKP’ê re derket holê..
Ji ber belavbûna vê Vîrûsê û veşartina qurbanên wê li Tirkiyê, weke berpirsiyartiya Dewletê tê dîtin..
Her dawî jî Wezîrê Tenduristiyê yê Tirkiyê Fahrettîn Koca da zanîn ku 98 kesên din jî li ber coronayê jiyana xwe ji dest daye.
Bi vê jî li giştî welat, bîlançoya miriyan hezar û 6 kes e û ya pêketî jî 47 hezar derbas kiriye..
Helbet rewşa li Tirkiyê ne ne tenê li kolanan tê şîrovekirin..
Corona..Alavên pêwîst ji bo girtiyan nayê dayîn
Girtîgeh ên weke stratejiyeke sereke a dewletê ne jî, deverên herî xeter in..
Li girtîgeha Şakranê jî encama testa 2 girtiyan pozîtîf derket, lê belê ne lepik û ne jî devpoşk nedane girtiyan..
Rozerîn Kalkan ku di Girtîgeha Jina ya Şakranê de ye, bi rêya malbata xwe ragihandiye, di girtîgeha wan de 2 bijîşk bi vîrûsê ketine, lê alavên xweparastina ji Corona li ser girtiyan belav nekirine..
Corona..Wezareta Dadê ya Tirkî hevdîtinên li girtîgehan qedexe kir
Li şûna wê, piştî cara yekem di meha Adarê de, duh Wezareta Dadê ya Tirkiyê ragihand ku wan ji ber vîrûsê hevdîtinên li girtîgehan heta 30ê Nîsanê qedexe kirine.
Berî niha jî bangên herêmî û navewletî hatin kirin ku girtiyên li Tirkiyê werin berdan, lê belê hikûmeta AKP’ê qanûna Infazê derxist û di serî de Kurd girtiyên siyasî ji serbestberandê bê par hiştiye..
Çavdêr dibînin ku, Tirkiyê ji bo nixumandina rewşa li girtîgehan, qaşo biryarên ji bo rêgirtina li pêşiya Coronayê belav dike.
