Dewleta Tirk piştî xemsariyeke demdirêj û piştî belavbûna vîrûsê, duh ji nişkêve û bê ku beriya wê agahî bide, qedexeya derketina derve heta 2 rojan raghand.Ev biyara ku bû sedema xelk zêdetir kom bibin û metirsiya belavbûna vîrûsê zêdetir bibe, rastî nerazîbûnê hat.
Li Amedê 2 kes û li Sêrtê kese, ji ber vîrûsê jiyana xwe ji dest dan.
Di van dîmenên ku li Stenbolê hatin girtin û tê gotin ku ji bo qurbaniyên corona, metirsiya welatiyan a derbarê jimara miriyan de zêde dibe.
Dewleta tirk ku ji destpêka belavbûna vîrûsa corona ve bi xemsarî nêz dibe, herî dawî biryara qedexeya derketina derve ya ji bo 2 rojan, raghand.
8 bajarên Bakurê Kurdistanê jî di nav de, li 31 bajarên Tirkiyê biryara qedexeya derketina derve hat raghandin.
Ev qedexe piştî gelek rexneyên aliyên muxalif ên li Tirkiyê û Bakurê Kurdistanê derket.
Biryara nederketinê, metirsiya belavbûna vîrûsê zêde kir
Duh dema ev biryar hat raghandin, ji bo nîvê şevê tenê du saet mabûn.
Welatî li ser vê yekê ji bo pêdiviyên xwe herikîn firin û markêtan.
Ev yek jî bû sedem ku mirov li hev kom û metirsiya belavbûna vîrûs zêdetir bû.
Li ber deriyê firne û markêtan pevçûn derketin
Bi taybetî li Stenbolê ev yek pêk hat.
Li gelek deveran jî ji ber dorê, nîqaş û pevçûn di navbera welatiyan de derketin.
Welatiyan bertek nîşanî biryara ji nişkêve dan û gotin sedemê ku xelk di dorê de maye jî saeta dereng bûye û diyar kirin ku bi vî awayî dê rewş xirabtir bibe.
Sekreterê Giştî yê Konseya Navendî ya Yekitiya Bijîşkên Tirk (TTB) Dr. Bulent Nazim Yilmaz, diyar kir ku diviya bû ev biryar ji aliyê Wezareta Tenduristiyê û Desteya Zanistê ve bihata ragihandin û got:
“Ger fikarên welatiyan bihatan derbaskirin, rewş wisan nedibû.
Bêyî ku daxuyaniyên pêwîst bên dayîn, agahiya qedexey hat dayîn.
Ev jî bû sedem ku mirov bêyî rûpoş û lepikan bibezin firin û markêtan.
Vê jî nîşan da ku rêveberiyeke ku ji derveyî zanistê tevbigere, dê ne serkeftî be.”
HDP: Divê welatî rast bên agahdarkirin
Şaxa ÎHD’ê ya Amedê ev helwesta Wezaretê rexne kir û destnîşan kir ku ev yek nayê qebûlkirin û got:
Divê berî her tiştî ji bo xizmetkarên tenduristiyê hemû gavên pêwist ên parastinê bêne avêtin û li cihên girtî hemu tedbîr bêne girtin û welatî rast bên agahdarkirin.”
Navenda Koordînasyona Krîzê ya KCD’ê jî bertek nîşanî qedexeyê da û diyar kir ku AKP jiyana civakê dixe talokeyê û bang li civakê kir ku piştevaniya hev bikin.
