Behîv û behîvtirş ji bo nexweşiyan derman ne

Bi hatina biharê re welatiyên herêma Firatê dest bi çandiniyê dikin. Şêniyên gundewarên Kobanê derbarê komkirina behîv-tirş, behîv û feydeyê wê ya li ser laşê mirovan dibêjin: “Ji bo bedena mirovan xurt bibe her roj xwarina behîv an jî behîv-tirtş baş e.”

Bihar vejîna nû ya xwezayê ye.

Dema germehî zêde dibe, kulîlk, gul û dar pelên xwe hêdî bi hêdî vedikin, bi vê yekê mizgîniya demsala biharê dide.

Li Kobanê jî darên mişmiş û behîvan gelek in.

Bi hatina biharê re darên behîvan kulîlkên xwe vedikin. Behîv-tirş jî wekî destpê-kirina fêkiya biharê tê nasîn.

Çawa ku gûz ji bo nexweşiya feydê xwe heye, behîv û behîv-tirş jî ji bo nexweşiyan feydê xwe hene.

Rojê kulmek behîv-tişk- yan jî behîv ji bo nexweşiya pençeşêr, kuxik, nexweşiya şekir û nexweşiya cild baş e.

Bi hatina biharê re jinên Kobanê dest bi komkirin û zuhakirina behîv-tirş kirin û nêrînên xwe anîn ziman.

Ezîme Mehmûd bal kişand ser darên behîvan û got:

Her sal em baxçê xwe cot dikin, darê behivan jî kedekê dixwazin.

Di salên derbasbûyî de ji bo karibin debara xwe bikin me behîv-tirş jê dikir û difirotin, piştî ev nexweşiya Vîrusa Korona derket me îsal nefirot ji ber ku berhemê wê ne-zêdebû.

Behîvên ku tên hişkkirin, dikevin nav xwerinê û ji bo dermanê xwezayî tê bi kar anîn.

Eyşe Mistefa jî diyar kir ku bi hatina biharê re kulîlkên dara behîvan vedibe, reng û xweşikbûyîn dide xwezayê û dibêje:

Axa herêma Firatê pir bi bereket e, her gund li gor derfetên xwe çandiniya erdan dike.

Bi hatina cejina Newrozê re darên behîvan êdî kulîlkê xwe vedikin û piştî 15-20 rojan jî behîv-tirş çêdibe.

Di dema komkirina behîvan de jî, em hemû alîkariya hev dikin.

Back to top button
Close
Close