Koordînatora giştî ya Meclisa Jin a Sûriyê Lîna Berekat diyar kir ku çanda tundiya malbatî li Sûriye û li cîhanê, bi awayekî mezin belav bûye. LÎna Berekat got: “Divê dozên jinê di cîhanê de careke din di ber çavan re werin derbaskirin ji bo ku rê li pêşiya tundiyê were girtin.”
Ji ber Corona, bi milyonan kes li seranserî cîhanê neçarî rûniştina malê bûn.
Aliyên neyînî yên vê tedbîrê jî, hin bi hin derketin holê.
Tundiyê li dijî jinê, yek ji wan e.
Raporên rêxisitnên navdewletî, rêjeyên bi tirs ên tundiyê eşkere kirin.
Têkildarî mijarê Meclisa Sûriya Demokratîk daxuyaniyek dabû raya giştî.
Meclisê, bang li NY kir ku tevahiya biryarên ku mafên jinê li ser asta cîhanê dabîn dikin, pêk bînin.
Der barê mijarê de, koordînatora giştî ya Meclisa Jin a Sûriyê Lîna Berekat destnîşan kir ku “mayîna li malê, çanda tundiya malbatî û bi taybet jin, li cîhanê bi awayekî mezin belav bûye”.
Lîna Berekat got:
Em hewl didin bi alîkariya aliyên têkildar li Bakur û Rojhilatê Sûriyê û bajarên din ên Sûriyê re, serjimariyên rastîn û teqez girêdayî tundiya li dijî jinê, bidest bixin.
Lîna diyar kir ku li herêmên wan, li gorî dewletên cîhanê asta van tundiyan kêm bûye û got:
Divê dewleta Tirk û çeteyên wê ji ber sûcên şer ên li dijî jinan li Efrîn, Serê Kanî û Girê Spî kirine, werin cezakirin.
Divê doza jinê carek din di ber çavan re were derbaskirin û têkiliya jin û mêr çareser bibe.
Lîna Berekat dawiyê banga avakirina şaneya aloziyê ku bi tevahiya şaneyên li cîhanê hevkariyê bike, kir, da ku li hember vê keraseta kevin û nû bisekine.
