Sabrî Ok: Paradîgmaya Rêber Apo ji bo civaka Rojhilata Navîn bûye hêvî

Endamê Konseya Rêveber a KCK’ê Sabrî Ok hewldanên yekîtiyê yên Rojava girîng dît û ji bo encamgirtina yekîtiyê bal kişand ser aloziya Zînî Wertê û got: “Divê rewşa li Zînî Wertê bi rengekî erênî bê çareserkirin. Divê em bi çarenûsa gelê xwe nelîzin. Ok diyar kir ku “eger hêzên pêşmerge xwe vekişînin cihê xwe yê berê, wê pirsgirêk çareser bibe.” 

Endamê Konseya Rêveber a KCK’ê Sabrî Ok di bernameyeke televizyona Stêrk TV de, li ser yekîtiya Kurdî nirxandinên girîng kir.

OK da zanîn ku êdî gelên Rojhilata Navîn nema ew statûyên ku sed sal berê bi hikumê zorê pêk hatibûn, qebûl dikin.

Civaka Rojhilata Navîn jiyaneke azad, bi rûmettir û demokratîktir dixwaze.

Ev daxwaz îro di şoreşa Rojava de şênber bûye.

Ev yek jî encama paradîgmaya Rêber Apo ya Netewa Demokratîk e.

Bi saya felsefeya Rêber Apo, ispat bû ku hemû ol û pêkhateyên cuda, dikarin bê desthilatdarî bi hev re bijîn.

Sabrî Ok: “Sykes-Picot” dema xwe tije kir, êdî wê vîna gelan pêşeroj diyar bike

Endamê Konseya Rêveber a KCK’ê diyar kir ku peymana Sykes-Picot dema xwe tije kir, ji wir û şûn ve, wê bi vîna gelan, pêşeroj û jiyaneke nû bi pêş bikeve.

Sabrî Ok: Divê civaka Kurdî ji bo yekîtiyê zextê li siyasetmedaran bike

OK, her wiha bal kişand ser yekîtiya mala Kurdî û got:

Kurd weke dema Sykes-Picot nîn in û îro xwedî rêxistin û deskeftî ne.

Lê ev destkeftî hîna di xeteriyê de ne u ji bo parastina wan jî, divê civaka Kurd zextê li siyasetmedaran bike û meşên yekîtiyê pêk bîne, da partiyên Kurdî ji bo yekîtiyê gavan bavêjin.

Endamê Konseya Rêveber a KCK’ê Sabrî Ok hewldanên yekîtiyê yên ku li Rojava bi pêş dikevin, erînî girt dest.

Ok dibêje:

“Tê gotin, li Rojava hewldaneke heye ku Kurd vîna xwe bikin yek û pirsgirêkên xwe çareser bikin.

Bi rastî jî tiştekî pir baş e.

Lê aniha Zînî Wertê di rojevê de ye.. Eger 2 rêxistinên sereke weke PKK û PDK şerekî wiha nexêr bikin, wê ti wateya yekîtiyê nebe û ew hewldanên Rojava jî wê vala derkevin.”

 Sabrî Ok: Divê aloziya Zînî Wertê çareser bibe û em bi çarenûsa gelê xwe nelîzin

Sabrî Ok, ji bo çareserkirina aloziya Zînî Wertê ev bang li PDK’ê kir:

“Divê rewşa li Zînî Wertê bi rengekî erênî bê çareserkirin.

Divê em bi çarenûsa gelê xwe nelîzin.

Eger hêzên pêşmerge xwe vekişînin cihê xwe yê berê, wê pirsgirêk çareser bibe.”

Di vê pêvajoya dîrokî de, yekîtiya gelê Kurd pêwîst e. Çawa Kurd beriya sed salî bê hazirî hatin girtin, îro divê xwe amade bikin, yekîtiya xwe ava bikin da sedsalekê din jî wenda nekin.

Back to top button
Close
Close