Li dijî kirin û binpêkirinên hovane yên çeteyên dewleta Tirk li dijî jinên Efrînê, bertekên mezin derketin. 11 Rêxstinên jinan li Bakur û Rojhilatê Sûrî bi daxuyaniyekê teqez kir ku kirinên li dijî van jinan, dûrî pîvanên mirovî û peymanên navdewletî ne. Rêxistinan bang li hemû rêxistinên hiqûqî û tevgerên jinan kir ku ji bêdengiya xwe derkevin û rola xwe pêk bînin. Her wiha jinan bang li “NY” kir ku sûcên dewleta Tirk weke sûcên şer bibînin û jinan biparêzin.
Rêxstinên jinên li Bakur û Rojhilatê Sûrî derbarê binpêkirinên çeteyên dewleta Tirk ên li dijî jinên Efrînê, daxuyaniyek da çapemeniyê.
11 Rêxistinên jinan teqez kir ku kirinên li dijî jinên li Efrînê pêk tên, dûrî pîvanên mirovî û peymanên navdewletî ne, ku ev sûcên şer jî li pêşberî çavên civaka navneteweyî didomin.
Rêxistinan got:
Bi awayekî rojane, binpêkirinên hovane li dijî şêniyên Efrînê tên kirin, lê jin para xwe ya herî mezin ji van kirinan dibe.
Topbarana rojane, revandin, destdirêjî, zewicandina temenbiçûkan, kuştin û êşkencekirina wan di hundirê girtîgehên çeteyan de, ev hemû kirin bi armanca şikandina vîna jinan e.
Lê belê tevî van hemû binpêkirinan, rêxistinan teqez kir ku wê israra jinê ya têkoşîn û berxwedanê heya avakirina civakeke azad û dermokratîk, sembolek cîhanî be.
Li gorî rêxstinên jinan, ev bûyerên herî dawî yên li dijî jinên li Efrînê, sûc û binpêkirinên çeteyên dagirkeriya Tirk eşkere kirin.
11 Rêxistinên jinan: Divê “NY” sûcên Tirkiyê weke sûcên şer bibîne
11 Rêxstinên Jinên li Bakur û Rojhilatê Sûrî, bang li hemû rêxstinên Hiqûqî û tevgerên jinan kir ku ji bêdengiya xwe derkevin û ji bo bidawîkirina dagirkeriyê rola xwe pêk bînin.
Herî dawî Rêxstinên Jinan bang li “NY” kir ku komîteyekê lêpirsînê li herêma Efrînê ava bikin û sûcên dewleta Tirk weke sûcên şer bibînin, her wiha ji bo parastina jinan jî piştgiriyeke pêwîst pêşkêş bikin.
https://youtu.be/Yqggwsb75HE
