Bi zêdebûna êrîşên li ser herêmê re, di nava 48 saetan de Wezareta Derve ya Iraqê cara duyemîn bang li balyozê Tirk yê li Iraqê kir. Bi riya daxwaznemeyekê Tirkiye ji binpêkirinên dike agahdar kir û jê xwest ku hêzên xwe ji Iraqê derxîne.
Wezaretê daxwaznameyek nerazîbûnê dayê û ji Îranê xwest ku rêzê li seweriya xaka Iraqê bigire.
Iraqa ku ev demek dirêje, bi aloziya siyasî re rû bi rû bûye, ji bo aramiya li welêt herî dawî hikumetek nû avakir.
Mistefa Kezimî jî weke serokwezîrê nû yê Iraqê hate ragihandin.
Kazimiyê ku soz da gelê Iraqê wê hêzên biyanî ji xaka welat derbêxe, niha bi êrîşên dewleta tirk a dagirker û rejîma Îranê re rûbirû maye.
Iraqî ji Kazimî li benda helwesteke tund ya li dijî êrîşê ne.
Wezareta Derve ya Iraqê îro bi daxuyaniyekê ragihand ku bang li balyozê Tirkiyê Fatîh Yildiz kirine û derbarê êrişên 17’ê mehê de agahdar kiriye ku careke din bi bombebaran û êrişan li nav xaka Iraqê binpêkirin kiriye.
Wezareta diyar kir ku ji dewleta Tirk tê xwestin ku bombebaranên xwe bide rawestandin û hêzên xwe ji wan vekişîne.
Di daxuyaniyê de hat gotin îro careke din gazî balyozê Tirk ê li Iraqê kirine û jê re gotiye, mafê Iraqê heye ku tedbîrên pêwîst ji bo parastina serweriya xak û selametiya xelkê bigire.
Wezareta Derve ya Iraqê ji Tirkiyê xwestiye ku hêzên xwe yên li Iraqê derbixe û pirsgirêkê bi riya diyalogê û awayek aştiyane çareser bike.
Iraqê gazî balyozê Îranê kir û êrîşên li ser herêmê şermezar kir
Piştî gazîkirina balyozê Tirkiyeyê, Wezareta Derve ya Iraqê bang li balyozê Îranê Îrec Mescidî yê li Bexda jî kir.
Derbarê topbaranên Îranê yên li ser xaka Başûrê Kurdistanê daxwaznameyek pêşkêşî Îranê kir.
Li gorî daxuyaniya Wezareta Derve ya Iraqê di dema gazîkirê de topbarên rojên dawî yên li ser gundên sînor ên li herêma Hacî Omeran şermezar kirine.
Ji Tehranê hatiye xwestin ku rêz li serweriya xaka Iraqê bigire û rê dene karên wiha dubare bibe.
