Serokên Baroyan ji bo çalakiyek mezin îro li Enqerê kom bûn. Serokên baroyan ên li dijî pergala “pir baroyan” di çalakiyê de û piştî daxuyaniya li ber Edliyê xwestin ber bi Meclîsê ve bimeşin polîsan ew asteng kirin.
Polîsan bi awayek tund êrîşî serokên baroyan kir. Dimenên ku derketî rastiya faşîzma AKP-MHP’ê nîşan dide.
Serokên baroyan li dijî pêşniyar ango daxwaza “pir baroyan” a AKP’ê li Enqereyê kom bûn.
Li ser vê pêşniyarê li Meclîsê hevdîtin di navbera partiyan de tê kirin.
Serokên baroyan û parêzer ji duh ve li ber deriyê Meclîsê di çalakiyê de ne.
Serokên baroyan çûn ber Edliya Enqerê daxuyanî dan û giliyê qedexeya çalakiya xwe kirin.
Piştî daxuyaniyê serokên baroyan xwestin dîsa bimeşin ber deriyê Meclîsê.
Polîsan rêya wan birî û alozî di navbera wan de derket.
Bi hezaran parêzeran dirûşmên “çavtirsînî tune berxwedan heye”, “li dijî faşîzmê serî rake” û “Parastin bêdeng nebû û wê bêdeng nebe” gotin.
Parêzeran bendên li ber Edliyê derbas kirin.
Polîsan xwe li meşa parêzeran negirt û êrîşî wan kirin.
Polîsan rojanemger asteng kirin û destûr nedan serokên baroyan bişopînin.
Cezayê mesafeya civakî li rojnamegeran birîn.
Nûnera Arti TV a Enqerê Sîbel Hurtaş hat binçavkirin.
Hat gotin astengkirin û qedexeya çalakiya serokên baroyan li ser daxwaza Walîtiya Enqereyê pêk hatiye.
Rageşiya navbera parêzeran û polîsan demek dirêj dewam kir.