Civaka Tirkiyê berdêla polîtîkayên faşîzane yên hikumeta AKP-MHP’ê dide. Lireyê Tirkiye li pêşberî dolarê Amarîkî nirxê xwe winda dike.
Îro lîreyê tirk dema xwe ya herî bêrnirxî dît. Dolarekî Amerîkî 7,28 lîreyê tirk derbas kir. Tenê ji serê salê ve, lîreyê tirk ji sedî 19 nirxê we winda kir.
Li Tirkiyê ji ber polîtîkayên faşîzma AKP-MHP’ê civak di nava hejariyê de dijî.
Roj bi roj nirxê lîreyê tirk li pêşberî dolarê Amerîkî kêm dibe û ev yek raste rast bandora xwe li ser jiyana civakê dike.
Ji ber siyaseta şer ya AKP’ê şirketên cihanê xebatên xwe yên li tirkiyê radiwestînin û vê yekê jî rê li ber feqîriyê vekir.
Her çiqasî dewletê rewşa tirkiyê ya li dijî vîrûsê baş nîşan da û xwest bala geştiyaran bikişîne welat lê rewşên dawî hişt ku vîrûs careke din belav bibe.
Nehatina geştiyaran jî rê li ber wê yekê vekir ku dolarê Amerîkî di xezîneya dewletê de nemîne.
Vê yekê jî bênirxbûna lîreyê Tirk li pêşberî Dolarê Amerîkî bi xwere anî.
Ji ber tirkiye welateke ku di aliyê bazirganî û enerjiyê de girêdayî derve ye, pêwistiya wê bi dolar çê dibe.
Lê nebûna dolar dibe sedema ku nirxê lîreyê tirk li pêşberî pereyê biyanî kêm bibe.
Îro lîreyê tirk nirxê xwe yê herî kêm li pêşberî dolarê Amrîkî dît.
1 dolar gihişt 7,28 lîreyê tirk.
Ev rewş ji 2018’an ve despê kir.
Bênirxbûn gihişt asta ji sedî 20.
Li gorî ajansa Reutersê, ji bo başkirina nirxê lîreyê tirk Bankeya Giştî ya Tirkiyê ji despêka 2019’an ve nêzî 110 milyon dolar derbasî bazaran kiriye.
Di daneyên dawî yên Wezareta Çand û Geştiyariyê de, ji meha Hezîranê ve hatina kesên biyanî ji bo tirkiyê ji sedî 96 kêm bûye.
Tişta ku xuya dike, lîreyê tirk wê li pêşberî Dolar nirxê xwe hîn zêdetir winda bike.
Fona Pereyan a Navneteweyî jî di eşkerekirina rapora xwe ya beşê ji derve de ragihand ku dewleta tirk li hemberî êrîşên ji derve pir bi hêsanî ji hev dikeve.
