Li gelek bajarên Başûrê Kurdistanê welatî daketin kolanan û banga hilweşandina hikûmetê kir.
Dihat payîn ku vê êvarê li gelek bajar û navçeyên Başûrê Kurdistanê dibin pêşengtiya Tevgera Nifşê Nû de ji bo hilweşandina hikûmetê xwepêşandanên girseyî bihata lidarxistin.
Li Dihok û Hewlêrê asayîşê astengî ji xwepêşandanê re derxistin û bi dehan kes binçav kirin.
Li navçeya Ranya jî ya girêdayî Raperînê, xwepêşandanek li dijî hikûmetê hate lidarxistin.
Di dema xwepêşandanê de di navbera xwepêşander û hêzên ewlehiyê de alozî derke û nûçegihanê Kanala Gelî Kurdistan Huner Resûl jiyana xwe ji dest da.
Li Parka Azadî ya Silêmaniyê jî bi heman armancê xwepêşan û çalakiyên girseyî hat lidarxistin.
Li vir Serokê Tevgera Nifşê Nû Şasiwar Ebdulwahid jî axivî û daxwaz ji xwepêşanderan kir ku xwepêşandan bi awayek aştiyane li dar bixin.
Şasiwar Ebdulwahid daxwaz ji gel kir ku di xwepêşandanên xwe de berdewam bikin heya hilweşandina hikûmetê.
