Hemwextî belavbûna vîrûsa Corona li Herêmên Bakur û Rojhilatê Sûriyê, krîzeke aborî jî tê jiyankirin.
Edla Tahir jinek ji Til Temirê ye dibêje, ku li hember vîrûsê ew Tedbîrên xwe digre û li dijî kirîza aborî jî gelek berdêl pêş xistine.
Li herêmên Bakur û Rojhilatê Sûriyê bîlançoya kesên bi Vîrûsa Coronayê roj bi roj zêsetir dibin.
Hemwextî wê jî krîzek aborî zehmet bi ser gelên Bakur û Rojhilatê Sûriyê derbas dibe.
Hinek malbat û jin jî hene ji bo rê li ber krîza aboriyê bigirin çandiniyê dikin.
Edla Tahir jî jina 65 salî ku ji navçeya Til Temirê ye yek ji wan jinaye.
Edla ev zêdetirî 50 sal in bi çandiniyê re mijûl dibe.
Edla derbarê malê û tedbîrên xwe yên hember vîrûsa Coronayê axivî û got:
“Li dijî vîrûsê ez her bi tedbîr tevdigerim, ez lepik û rûpoşan bikartînim.
Tedbîrên min ji bo mayina li malê hene û hemû erzaqên min li malê ne.
Edla da zanîn ku ev 50 sal bi çandiniyê re mijûl dibim, ji ber wê jî hemû sebze û fêkiyên min jî li malê ne.
Jina 65 salî dibêje ku ez pez jî xwedî dikim, şîr, mast, penêr û dew ji mala min kêm nabin,bi wan debara jiyana xwe dikim.
Edla Tahir bang li şêniyan kir ku bi çandiniyê re mijûl bibin û got:
“Çandinî aboriyê geş dike û barê malbatan sivik dike”
Edla di dawiyê de girîngiya parastina xwe ji vîrûsê anî ziman û got pêwist e gelê me jî vê nexweşiyê paşguh neke û bi xemsarî nêz nebe.
