Hêzên Sûriya Demokratîk QSD’ê îro du zarok radestî Navenda Parastina Zarokan kir.
QSD’ê herdu zarokên bi navê Yamin Berekat yê 15 salî û Mihemed Cemîl yê 16 salî ji bo vegerin malên xwe, ew radestî Navenda Parastina Zarokan a Kantona Hesekê kir.
Radestkirin li Meclisa Kantona Hesekê bi amadebûna endamên Navenda Parastina Zarokan, hejmarek mafnas û tevî xizmên zarokan pêk hat.
Ji hiqûqnasên Meclisa kantona Hesekê Xalid Cebir derbarê mijarê de axivî û da zanîn ku heya niha 8 zarok hatine vegerandin û QSD’ê di vê çarçoveyê de bi awayekî erênî tevdigere.
Hevseroka Navenda Parastina Zarokan Di Rewşên Şer De ya kantona Hesekê, Merwa Heysem jî got:
“Piştî ku malbatên zarokan gilî dikin, em yekser bi QSD’ê re dikevin têkiliyan, QSD jî zarokan radestî me dike.”
