Weke li her dera cîhanê, DAIŞê rengê xwe yê tarî careke din li Lîbyayê li ba kir. Odeya operasyonên Sebrataya ya artêşa Lîbî ragihand ku çeteyên DAIŞê piştî kontrolkirina Tirkiyê li ser herêmê, dîsa xwe li bajêr bi cih kir. Çavkaniyên ewlehî jî rasterast sedema vegera DAIŞê dewleta Tirk nîşan da.
Piştî derxistina wan ji bajêr bi 4 salan, alên DAIŞê careke din li Sebratayê li ba dibin..
Çavkaniyin ji odeya operasyonên Sebrataya ya artêşa Lîbî eşkere kir ku DAIŞ dîsa vegeriyaye bajarê beravî li rojavayê Terablusa paytext.
Li gorî odeya artêşê, ev yek piştî kontolkirina dewleta Tirk li ser herêmê pêk hatiye.
Çavkaniyan ji malpera “Eyn el-Exbariya” re teqez kir ku DAIŞ aniha propagandaya idoelojiya xwe dike û al û sembolên xwe li deverine berz ên bajêr bilind dike.
Li gorî heman çavkaniyan, çeteyên DAIŞê sûrên kampa bajarê Sebratayê ji bo libakirina alên xwe bi kar tînin û navê bajêr jî veguherandiye “Wîlayeta Sebratayê”.
Çavakniyine ewlehî jî rasterast vegera DAIŞê li dewleta Tirk vegerand.
Çavkaniyan her wiha niyeta Tirkiyê ya veguherandina vî bajarî bo navendeke nû ya DAIŞê jî eşkere kir..
Çavkaniyên ewlehî yên Lîbî, herêma el- Etlîl û el-Bera’im ên Sebratayê weke cihê herî guncaw ê çeteyên DAIŞ, el-Qayîde û çeteyên dewleta Tirk bi giştî diyar kirin.
Fermî, ji 2014an de DAIŞê rengê xwe yê tarî li Lîbyayê nîşan da û gelek dîwan û navendên perwerdekirina DAIŞiyên ku ji dewletên Afrîka û Asyayê tên, vekirin, lê hingê baş cihê xwe negirt û gel li dijî wan derket.
Li gorî raporene ewlehî yên berê, çeteyên dewleta Tirk bi dehan DAIŞiyên di hundirê zindanan de berdan û li gel hejamrek çeteyên din ên ji bajarê Sertê reviyabûn, niha mil bi mil di nava çeteyên Tirkiyê de, li dijî artêşa Lîbî şer dikin.
Piştî rûdana gelek bûyerên tundrewiyê li seranserî cîhanê, nemaze piştî dayîna xîtabên olî yên tundrew ji aliyê serokkomarê Tirkiyê Erdogan ve, ku hem tundrew û hem jî DAIŞî careke din dengê wan li her derê tê bihîstin.
