Artêşa Tirk navenda navçeya Eyn Îsayê topbaran kir û 2 zarok hatin birîndarkirin.
Artêşê îro vê sibehê bi awayekî bê serûber malên sivîlan kir armanc û navenda navçeyê topbaran kir.
Di encamê de, 2 zarok hatin birîndarkirin.
Duh dîsa hêzên dagirker gundên Minbicê û yên Babê jî kirin armanc.
Di saetên şeva borî de, piştî gundê Toxar ê Minbicê, artêşa dagirker gundên Hûtê û Cebla Hemara yên rojavayê Babê jî dan ber topan.
Her wekî, çeteyên dagirker ên li gundê Bîr Temah ê Girê Spî, leşkerekî hêzên hikumeta Şamê yên li gundê Sarûnc dimînin, gulebaran kir û bi giranî ew birîndar kir.
Artêşa dagirker her wiha gundê Seyda yê bakur-rojavayê navçeya Eyn Îsayê û rêya M4 bi çekên giran topbaran kirin.