Fermandarê Giştî yê QSD’ê Mezlûm Ebdî hişyariya zindîbûna DAIŞê careke din da, ku di wextekê de ku Kurdan bi gelên herêmê re DAIŞ têk bir, cîhanê pişta xwe dabûyê, ji lew re Ebdî teqez kir ku ev yek bixwe hişt DAIŞ rêya li ber lingê xwe bibîne..
Kurdan bi hevkariya pekhateyên herêmê, DAIŞ di bin lingan de da, lê cîhanê pişta xwe dabûyê û ev tişt dihêle ew careke din û bihêztir vegerin meydanê…
Fermandarê Giştî yê QSD’ê Mezlûm Ebdî digel hevpeyvîneke Radyoya Dewleta Swîsre (Sr) a Navneteweyî ev yek anî ziman.
Ebdî şerê ideolojîk ê DAIŞ’ê ji yê leşkerî bi hêztir bi nav kir, ji lewra pêwîstî bi dem, çavkanî û peywendiyan dît.
Ebdî hişyariya zindîbûna DAIŞê jî da ku ew ê hîna bihêztir bibin, ji ber “DAIŞ pirsgirêka hevpar a cîhanê ye û rûbirûbûna ideolojiya wê ji her kesî tê xwestin”.
Ebdî teqez kir ku QSD’ê bi armanca çeteyên DAIŞ’ê û zarokên wan ji Îslama sexte rizgar bikin, xebat dane destpêkirin.
Ji bo malbatên DAIŞ’iyan pêwîstî bi navendên perwerdeyê yên nû hene
Ebdî da zanîn ku li Bakur û Rojhilatê Sûriye ji bo çeteyên DAIŞ’ê ji ramanên tundrew paqij bibin, wê 16 navendên nû ava bikin.
Her wiha ji bo jin, zarok û girtiyên din pêwîstî bi navendên nû dît û ev yek jî li gorî Ebdî pêwîstiya xwe bi kesine şareza heye.
Hêzên navnetewî li hemberî sûcên Tirkiyê li herêmê bêdeng in
Ev demek e, bênavber êrîşên dagirkeriyê li ser herêmê ranawestin, têkildarî vê jî, Fermandarê Giştî yê QSD’ê rexneyên xwe li welatên cîhanê hebû, ku li hember binpêkirin û êrîşên dewleta Tirk li herêmê bêdeng in û destekê nadin jinûveavakirina wê.
Tevî têkçûna wê di warê leşkerî de, lê DAIŞ bi niyet e xwe careke din lingê xwe li Sûriya û Iraqê rade.
Ev tiştî jî di êrîşên wê yên vê dawiyê li bejahiya Sûriye û biyabana Iraqê de raber dibe.
QSD di Adara 2019 dawî li tarîtiya DAIŞê anî û hîna jî bi operasyonên xwe yên taybet, ideoljiya wê ya di serê peyrewên wê de meyayî, kar û xebatê ranawestîne..
