Çalakgera amerîkî Megan Boditt ku li Zanîngeha corc-tawanê (Georgetown) xwendibû, li ser rewşa jinên li Efrînê ji aliyê komên çekdar ên girêdayî Tirkiyê ve raporek amede kir. Mîgen destnîşan kir ku li gorî daneyan ji sedî 60 jinên ji Efrinê hatine revandin, serwindin û çarenûsa wan ne diyar e.”
Dewleta Tirk a dagirker û çeteyên wê di 20`ê Çileya 2018`an êrişî Efrînê kirin û di 18`ê Adarê de bajar dagir kirin.
Di encamê de bi hezaran kes koçber bûn, bi sedan kesan jî jiyana xwe ji dest da û birîndar bûn.
Kêsên li bajar û gundewarên Efrînê mayîn jî, rojane rastî tundî, êşkence, destdirêjî û revandinê tên.
Yê herî zêde rastî kirinên dermirovî tên jî jinin.
Li ser mijarê çalakgera amerîkî Megan Boditt ku li Zanîngeha Georgetown xwendiye, li ser sûcên revandinê ku dewleta Tirk a dagiker û çeteyên wê li dijî jinên li Efrînê pêk anîne dosyek amade kir û ji ajansa Hewarê parvekir.
Mîgen da zanîn ku di zêdetir 200 rewşên revandinê yên jinên Efrînê di dosyayê de hene.
“Li gorî daneyan ji sedî 40 ji jinên hatibûn revandin, piştî fidye dan ji aliyê milîsên dewleta Tirk piştgiriya wan dike ve serbest hatin berdan. Ji sedî 60 ji jinên hatine ravandin, serwindin û çarenûsa wan ne diyar e. Jinên ji aliyê van koman ve têne revandin, îşkencekirin, rastî destdirêjiyê tên û mafê wan tên binpêkirin.”
Çalakgera Amarîkî Tirkiye wekî DAIŞ’ê bi navkir û wiha domend;
“Tirkiye û çeteyên wê dixwazin jin her di bin bandûra mêr de bin.Lê jinên li Bakur û Rojhilatê Sûriyê xwe bi rêxistin kirine,saziyên xwe avakirine, û ji bo parastina mafê jinan zagon danîne. Ji ber wê bi êriş, revandin,kuştina re rû bi rû dimînin.”
çalakgera amerîkî Megan Boditt balkişande ser bêndengiya hêzên navnetewî li hemberî Dewleta Tirk a dagirker û çeteyên wê û wiha bi dawî kir;
“Divê DYA`yê û Neteweyên Yekbûyî û aliyên din ên aktîf ên ku piştgiriya opozîsyona Sûriyê dikin, eşkere banga serbestberdana jinên li herêmên dagikirî hatine revandin, bikin û wan li malbatên wan vegerînin.Divê Tirkiyê ji xakên ku îro dagirkiriye derkeve.”
