Serokê Mixalîf yê Rûsî Aleksey Navalny û rikberê herî bihêz yê serokê Rûsya Vladimir Putîn piştî 5 mehan dema vedigeriya welat hate girtin.
Navalny wê mehekê di girtîgehê de bimîne.
Li dijî girtina Navalny ji welatên YE û Amerîkayê bertekên tund hatin nîşandan.
Serokê Mixalîf yê Rûs Aleksey Navalny û rikberê herî bihêz yê serokê Rûsya Vladimir Putîn tevî gefan vegeriya Rûsiya.
Navalny piştî pênc mehan doh ji Berlînê dema ku gihişte balafirxaneya Moskowê, ji aliyê hêzên ewlehî yên Rûsyayê ve hate binçavkirin.
Dozgeriya Rûsya ji heta mehekê cezayê girtinê li Navalny birî.
Parêzerê Navalny ku li ser biryara mehkemê agahî dayî ragihand ku wê Navalnî heta 15’ê Sibatê girtî be.
Di dema vegera ji Almanyayê ber bi Rûsyayê ve, Navalny ji rojnamevanan re ragihand ku ew ji desteserkirin û girtinê natirse û got,
Ez xwe baş hîs dikim, di dawiyê de vedigerim warê xwe.
Navalny piştî daxuyaniya Rêveberiya Girtîhegha Moskowa ku gotî dema Navalny vegere wê were girtin, biryara vegerê dabû.
Rêveberiya girtîgehê sedema girtinê jî dispêre cezayê ku Navalny sala 2014’an de girtî û paşdexistî destnîşan kiribû.
Li welatên YE û Amerîka ji bo berdana Navalny bang li Rûsya hate kirin
Girtina Navalny li nava Ewropa û Amerîka bû cihê bertekan.
Serokê Konseya YE Charles Michel, bi peyameke li ser hesabê xwe parvekirî de bertek nîşanî binçavkirina Navalnî da û got,
“Ev yek nayê Pejirandin”.
Wezîrê Karê Derve yê DYA Mike Pompeo jî bang li Moskowayê kir ku bêşert û merce yekser Navalny were berdan.
Hikumeta Fransa jî hewlwesta xwe ya li ser mijarê diyar kir.
Berdevka Wezîrê Derve yê Fransa Agnes von der Muhll di daxuyaniya nivîskî ya weşandî de fikarên xwe anî ziman.
Wezîrê Derve yê Îngilistanê Dominic Raab got,
Binçavkirina navalnî kabûse.
Yekser divê were berdan.
20’ê Tebaxa 2020’an Navalny dema ji bajarê Tomsk berê xwe dida Moskowa rewşa xwe nabaş bû û balefir neçar mabû ku li bajarê Omsk dakeve.
Piştî dewstwerdanên despêkê, 22 Tebaxê Nevalny yê 44 salî bi balefirek taybet ji bo Almanya hatibû şandin.
Di encama lêkolînên li nexweşxanê de hatibû zanîn ku Navalny hatiye jehirdan.
Serokê Mixalîfa Rûsî Aleksey Navalny bi wê yekê tê naskirin ku rexneyên tund li siyasetên Serokê Rûsyayê Vladimir Putin dike.
