Carek bila were mirovahî tenê ji bo parastina hev, bi hevre kar bike.
Ma neçarîn ku hertim dijminahî û şerê hev bikin.
Vîrûsek Corona heye, cîhan daye ber xwe û rehmê li kesê nake.
Jimara pêketiyên xwe bilez ber bi 100 milyonî ve diçe û jimara miriyan 2 milyon derbas kiriye.
Bi derketina derziyê re herçiqas me hêviyên xwe xurt kir ku wê ev vîrûs biqede, lê bazirganiya li ser jiyana mirovan ev hêvî jî kêm kir.
Rêxistina Tenduristiya Cîhanê êdî li dijî vê yekê eşkere bertek nîşan da.
Rêxistinê got, li welatên dewlemend heta niha, 39 milyon derzî hatine girtin.
Lê ev yek li welatên hejar heta niha tenê 25.
Erê we şaş fam nekir, 39 milyon li pêşberî 25’an.
Weke Rêxistinê gotî ev yek tam nîşaneya wê yekê ye ku “Cîhan li ber Trajediya Exlaqeke Têkçûyî ve diçe”.
Di demeke ku vîrûsa Corona cihan ji hev xistî de, hîna mirova ders negirtiye û li pey berjewendiyanin.
Niha vê yekê asta kesî derbas kiriye û welat derketine pêş.
Bi derketina derziya li dijî vîrûsa Corona re ku mirovahî hêviya xelasbûna ji vîrûsê dîtin, lê niha careke din bê hêvî bûne.
Bêhêvîbûna vê carê ne ji ber, derzî bê feyde ye.
Lê ji ber, trajediya exlaqî ya welatên dewlemend ya kirîna derziyên dijî vîrûsê û bêparhiştina welatên hejare.
Rêxistina Tenduristiya Cihanê WHO ji ber neparvekirina derziyan di nava welatên dewlemend û hejar de nerehetiya xwe anî ziman.
Rêveberê Giştî yê Rêxistinê Tedros Ghebreyesus Gibrî yêsis diyar kir ku 49 welatên ku rewşa wan ya aborî başe heta niha karîne 39 milyon derziyên li dijî vîrûsê bidest bixin.
Lê ev dane li gel welatên hejar tenê 25 e.
Tedros ê ji vê rewşê bihêrs bûyî bi awayekî eşkere got,
Cîhan di nava trajediyek li ber têkçûna exlaqî ve diçe.
Tedros teqez kir ku biryara koma despêkê ya derzîkirinê ku ji xebatkarên tenduristî û kesên temen mezin pêk dihat, biryareke rast e û ev tişt anî ziman:
Li welatên dewlemend derzîkirina kesên ciwan û bi tendurist ji beriya xebatkarên tenduristî û kalên li welatê hejar nerast e.
Di navbera welatên dewlemend û şirketên derziya li dijî vîrûsê diafrînin de, sala derbasbûyî 44 peyman hatin îmzekirin.
Ji despêka salê ve jî 12 peymanên din hatine îmzekirin.
Rêxistina Tenduristiyê ya Cîhanê helwesta “Despêkê Ez” rexne kir û diyar kir ku ev yek wê bandorê li ser rewşa kurewî ya cîhanê bike.
