Waşington, Mosko bi astengkirina hewldanên tewanbarkirina hikumeta Şamê bi bikaranîna çekên kîyewî tewanbar dike û Moskê jî red dike.
Kanada jî bang li NY dike ku rejîma Esed, ji ber binpêkirina mafên mirovan, siza bike. Her wiha serokê Komîteya Navdewletî ya Xaça Sor dibêje, piştî 10 salan ji destpêka aloziya li Sûriyê, ew ditirse civaka navdewletî vê aloziyê jibîr bike.
Nûnera Amerîka li NY Linda Thomas-Greenfield, Rûsya bi astengkirina hewldanên tewanbarkirina hikumeta Şamê bi bikaranîna çekên kîmyewî, tawanbar kir.
Linda Thomas-Greenfield di civîneke vîdyoyî li Konseya Ewlekariyê de got:
“Her kes dizane ku rejîma Esed pir caran çekên kîmyewî bi kar anîne, lê nizanim çima heta niha nehatiye tawanbarkirin. Hikumeta Şamê her dem lêpirsîn û karê Rêxistina Qedexekirina Çekên Kîmyewî (OPCW) asteng dikirin.”
Dîpolmata Amerîkî diyar kir ku Rûsya hemû hewldanên tAwanbarkirina hikumeta Şamê asteng kirin û ev yek weke êrîşa li dijî karê Rêxistinê ye.
Nûnerê Rûsya li NY Vasely Alexiviç Nepenzia idia kir ku hikumeta Şamê li gorî şîreta Rûsyayê tev li Rêxistina Qedexeya Çekên Nûklerî bû û çekên xwe yên kîmyewî tune kirin.
Li gorî NY ku rejîma Esed bi pêkanîna êrîşên kîmyewî tawanbar dike, ev çend sal in hikumeta Şamê, bersiva 19 pirsên girêdayî avahîne xwe yên leşkerî, ku gumana ambarkirina çekên kîmyewî li wan heye, nedaye.
Pişkinînerên rêxistina çekên kîmyewî, rejîma Esed bi bikaranîna gaza Sarîn û Kilorîn li dijî sivîlan sala 2017’an, tawanbar dike.
Kanada banga sizakirina Rejîma Esed li NY dike
Di heman çarçoveya sûcên Esed ên li dijî sivîlan de, Kanada bang li NY kir ku rejîma Esed, ji ber binpêkirina mafên mirovan, siza bike.
Wezîrê Derve yê Kanadayê Marc Garneau daxwaza sizakirina rejîma Sûrî li ser binpêkirinên mafên mirovan ên ji sala 2011’an ve kir û got; rejîma Sûrî êrîşin hovane li dijî gelê xwe pêk anîn, em hêvî nêzîkî rastî û dadê bibin, gelê Sûriyê nehêjaye kêmtirî vê yekê.”
Xaça Sor: Em ditirsin aloziya Sûriyê bibe aloziyeke jibîrbûyî
Di çarçoveya bazirganiya bi aloziya Sûriyê li ser asta navdewletî de, serokê Komîteya Navdewletî ya Xaça Sor Peter Maurer diyar kir, piştî 10 salên aloziya Sûriyê, ew ditirse civaka navdewletî vê aloziyê ji bîr bike.
Berpirsyarê navdewletî ku bi niyaz e di demeke nêz de serdana Sûriyê bike, dibêje:
“Nabe civaka navdewletî Sûriyê paşguh bike, Ez ditirsim civaka navdewletî pirsgirêka Sûriyê bê çareserî bihêle û berî bide aloziyin din û bi milyonan gelê Sûriyê di vê astengiyê de bihêlin.”
