ANF wêneyên Tîma Kuştinê ya dewleta Tirk eşkere kirin

Tîma Kuştinê ya dewleta Tirk, ku hewil dabû sala 2017’an li paytexta Belçîka Brukselê li dijî Hevserokê KONGRA GEL Remzî Kartal û Endamê Konseya Rêveber a KCK’ê Zubeyîr Aydar êrîşê pêk bîne, hate eşkerekirin
Ajansa Nûçeyan ya Firatê wêneyên ku tîma kuştinê ya dewleta Tirk ku xwe li Ewropayê rêxistin dike, weşand.

Hezîrana 2017’an li paytexta Belçîka Brukselê li derdora avahiya Kongreya Neteweyî ya Kurdistanê (KNK) wesayitek digeriya û agahiyên îstîxbaratî werdigirt û paştirê hewildaneke sûîqestê kir.

Dadgerî û polîsên Belçîkayê vê lêpirsîna têkildarî hewldana sûîqestê bi rengekî veşartî meşandin ku lêpirsînek ji hezaran rûpelî hate amadekirin.

Yek ji sê kesên di hundirê wesayitê de, Zekeriya Çelîkbîlek bû ku welatiyê Fransayê ye, dema ku li wesayitê hate rawestandin 6-7 meh bû ku li Parîsê dima.

Kesê duyemîn Yakûp Koç bû. Pê re nasnameyek hebû ku nîşan dida ew polîsekî Tirk e.

Li gorî agahiyên ku ajansa nûçeyan a Firatê (ANF) bi dest xist, navê kod ê Yakûp Koç “Albay” e û “Operasyon”a li Brukselê organîze dikir.

Kesê sêyemîn jî Haci Akkûlak ê ‘bi eslê xwe Kurd’ bû, ku li Belçîkayê dima.

Hate destnîşankirin ku çar kes ji Tirkiyê hatine Belçîkayê û li vir daîreyek kirê kirine. Yek ji wan sekvan e. Hedefa wan jî Hevserokê KONGRA GEL Remzî Kartal û Endamê Konseya Rêveber a KCK’ê Zubeyîr Aydar bûn.

Paştire polîsên Belçîkayê li bajarê Gentê girtin ser mala kesekî Tirk ê bi navê Necatî Demîrogûllari ku tê texmînkirin ji Sakaryayê ye, her wiha li ser mala Haci Akkûlak jî hate girtin.

Mikurhatinên herdu kesan nîşan didin ku tîma kuştinê bi Sefaretxaneya Tirk a li Parîsê re xwedî têkiliyeke xurt e.

Yek ji sê kesên di hundirê wesayitê de, Zekeriya Çelîkbîlek di hevdîtineke taybet de ji Haci Akkûlak re gotibû ku li Parîsê di şehîdxistina sê jinên Kurd ên şoreşger de rola wî jî hebû.

Vê lêpirsîna li Belçîkayê tevkariyeke girîng kiribû ku têkildarî Komkujiya Parîsê lêpirsîneke nû bê destpêkirin.

Di lêpirsînê de ku gulana 2019’an bi biryara dozgeriya Parîsê jinûve hate destpêkirin li dijî yên ku fermana komkujiyê dan û hevkarên sûcê komkujiyê ye.

Wêneyên ku ANF’ê bi dest xistin, tîma kuştinê ya li Belçîkayê kişf kir.

Bi taybetî têkiliyên Çelîkbîlek ên bi Serokkomariya Tirk û bi Sefaretxaneya Bilind a Tirk nîşan da.

Yek ji wêneyan jî nîşan dide ku Çelîkbîlek bi Sefîrê Bilind ê Tirk Îsmaîl Hakki Mûsa re xwedî têkiliyeke xurt e.

Di wêneyekî din de jî Çelîkbîlek li hewşa qesra Serokkomarê Tirk Erdogan a li Beştepeyê tê dîtin.

Ev wêne jî pêwendiyên tîma kuştinê bi Qesrê û Sefaretxaneya Bilind a Tirk bi rengekî şênber radixin pêş çavan.

Back to top button