Xeta bazirganiya deryayî ya Qenala Suveyş vebû û careke din keştiyên bazirganiyê dest bi seferên xwe kirin. Serokomarê Misirê Sîsî diyar kir ku Qenala Suveyşê carek din girîngiya xwe ya di qada bazirganiya cîhanî de nîşanda.
Sîsî got: Ewê ji rewşa derketî dersê bigrin û ji bo careke din dubare nebe jî wê tevdîran bigrin.
Serokomarê Misirê Ebdulfetah El Sîsî serdana navenda Desteya Qenala Suveyşê ya li bajarê Îsmaîliyê kir.
Ebdulfetah El Sîsî di serdana xwe de li ser asê mayîna keştiya Ever Given û felckirina riya bazirganiyê axivî û wiha got:
Me nedixwest bûyerek bi vî rengî biqewime, lê dibe ji zirarên wê jî fayde hebe.
Tiştên ku qewimîn carek din girîngiya Qenala Suveyş di qada bazirganiyê de bi bîra me xist.
Ev qenal ji bo bazirganiya navnetewî ciheke gerdûnî ye û di fikir û wijdanê bazirganiya cîhanî de cîh girtiye.
Ji sedî 12 heta 13 ji bazirganiya cîhanî di vê riyê re derbas dibe.
Ebdulfetah El Sîsî hewldanên dewletê ” hêzdar ” bi nav kir û ev tişt anî ziman:
Qenala Suveyş Deryaya Spî, bi Deryaya sor ve girê dide.
Sîsî bi gotina ” em nabêjin emê bikin, bi îzina xwedê emê vekin ” dawî li axaftina xwe anî.
Keştiya Ever Given ya qenal felçkirî hate xelaskirin
Keştiya Ever Given ya ku 6 rojbûn li Qenala Siwês ya Misirê li ser axê rûniştibû doh herî dawî hat xelaskirin.
Şirketa Inchcape Shipping Services ya ji keştiyê berpirsyar ragihand ku keştî ji cihê asê mayî hatiye derxistin û ber bi ciheke ewle ve hatiye birin.
Yek ji rêya bazirganiya herî bi tevger ya Qenala Siwês ji ber keştiya “Ever Given” ya Panamayê hatibû asta rawestînê.
Keştiya ku 400 metre dirêj û 220 ton giran ji ber rewşa hewayê li ser axê rûniştibû.
Keştiya ku bi awayekî çep-rast li nava qenalê rawestiyayî bûbû sedema qenal ji rêwitiya nû re were girtin.
Ev yek ji bo sedema ku di bazara cîhanê de 6 heta 10 milyar dolar ziyan bibe.
Şirketa Misir ya ji qenalê berpirsyar jî ragihand ku her roja derbas bûyî 12 heta 14 milyon dolar ziyan dîtine.
