Aloziya Rûsya û Ukraynayê

Aloziya Rûsya û Ukraynayê tevî hewldanên kêmkirina tengijînan, bilindtir dibe. Kîevê ragihand ku leşkerekî wê li herêma Donbasê hat kuştin. Li aliyekî din, Amerîka jimareke balafirên şer şandiye Polonyayê, Awisturya jî piştgiriya xwe bo Mokoyê anî ziman.

Li rojhilatê Ukraynayê, alozî hemdemî lidarxistina diyalogên bo aştiyê, gurtir bûye.

Artêşa Ukraynayî ragihand ku li herêma Donbasê piştî pevçûnên digel alîgirên Rûsyayê, leşkerekî wê hat kuştin û yek jî ji bo nexweşxaneyê hat rakirin.

Ev bûyer, hemdemî diyalogên aştiyê yên ku duh bi rêya online navbera Ukrayna, Fransa, Almanya û Rûsyayê geriyan, rû dide

Kîev: Aliyên “çarîna normandî” hewldanên gihîştina bo agirbestê teqez dikin

Piştî diyalogên navborî ku 3 saetan dirêj kir bêyî bidestxistina ti encamê, Ukraynayê got ku hemû aliyên “Çarîna Normandî” ya serrastkirina qrêna li Donbasê, hewldanên bo gihîştina agirbestekê teqez dikin.

Pentagon: Hebûna leşkerî ya Rûsî li Ukraynayê ji ya 2014’an mezintir e

Pentagona Amerîkî ji aliyê xwe da zanîn ku hebûna leşkerî ya Rûsî li ser sînorê Ukraynayê, ji ya 2014’an bi gelekî mezintir e.

Polonya: Amerîkayê bi dehan balafirên şer veguhastine Warşowayê

Di vê çarçoveyê de, Polonyayê ragihand ku rêveberiya Ewropayî ya hêzên çekdar ên Amerîkî bi dehan balafirên şer veguhastine Warşowayê.

Li ser vê yekê, berdevkê Pentagonê John Kirby anî ziman ku veguhastina balafiran, di çarçoveya rahênanên asayî de, ne ji ber tengihînên li Donbasê ye.

Rûsya: Em niyaz dikin ku beşine deryaya Reş heya 6 mehan bigirin

Ji ber krîza rûdayî, Rûsya niyaz dike ku beşine deryaya Reş heya 6 mehan li ber keştiyên leşkerî û tevgera deryavaniyê bigire.

Ev gav, eger pêk were, dê bandorê li gihîştina keştiyan bo bendergehên Ukraynayê yên li deryaya Azovê bike.

Amerîka: Girtina beşine deryaya reş hewleke kurkirina aloziyê ye

Wezareta Derve ya Amerîkayê, li ser vê gavê destnîşan kir ku “hewldaneke kûrkirina aloziyê û rûxandina aramiya Ukraynayê ye.”

Awisturya li ser cezakirina Rûsyayê hişyariyê dide

Di demekê de ku çarçoveya dijberên Moskovayê fireh dibe, dewleteke Ewropî xwe derveyî revdeyê nîşan dide û li ser sizakirina Rûsyayê, hişyariyê dide.

Wezîrê Derve yê Awisturyayî Alexander Schallenberg rikeberiya welatê xwe bo cezayên YE’yê li ser Rûsyayê anî ziman û got:

“Çi gaveke şaş bê avêtin, dibe ku qeyraneke mezin bi xwe re bîne.”

Dîplomatên Rûs û Çekyayî duh vegeriyan welatên xwe

Di çarçoveya vê aloziyê de, krîza qewitandina dîplomatan jî xwe daye der.

Dîplomatên Rûs ên qewirandî, duh digel malbatên xwe ji balyozxaneya Rûsî ya li Pragê derketin.

Di heman demê de, dîplomatên Çekyayî jî tevî malbatên xwe ji balafirgeha Şîrîmîtîvoyê ya Moskovayê berî da Pragê.

Back to top button