124 rêxistinên civaka sivîl bi daxuyaniyeke hevbeş qutkirina ava çemê Firatê ji aliyê dewleta Tirk a dagirker ve şermezar kir. Şêniyên Reqayê jî banga gavên cidî li her kesê ku bi navê mirovahiyê kar dikin, kir.
Ava Firatê hîna jî weke tê xwestin nehatiye berdan û domandina qutkirina avê, rûdana bobelateke mirovî, çandinî û jîngehî dide ber çavan.
124 rêxistinên civaka sivîl bi daxuyaniyeke hevbeş qutkirina ava çemê Firatê ji aliyê dewleta Tirk a dagirker ve şermezar kir.
Rêxistinan anî ziman ku “peymanên dabeşkirina avê di têkiliyên navneteweyî û cîrantiya dewletan de, dozeke hiquqî ye, lê belê di salên derbasbûyî de, dewleta Tirk sûd ji rewşên kerasatî yên li Sûriyê digirt û ji hundirê sînorê xwe, ava çemê Firatê vediguherand bendavan. Di encama vê siyasetê de, rêjeya avê kêm bû û daket 200 metrekab”.
Her 124 rêxistinên civaka sivîl hişyariya rûdana bobelateke mirovî û jiyanî da û bang li NY û civaka navneteweyî kir ku zexteke cidî li hikumeta Tirkiyê bikin da ku pabendî qanûnên dabeşkirina avê bibe.
Şêniyên Reqayê banga para xwe ji ava Firatê dikin
Di heman xelekê de, Şêniyên Reqayê jî diyar kir ku Tirkiyê avê wekî alavekî şer û bazarganiyê bi kar tîne, lewra ew weke xelkên Sûriyê banga para xwe ya ji ava Firatê dikin.
Mihemed El-Bakendî got:
Erdogan avê wekî alavekî şer û bazarganiyê bi kar tîne.
Û ew bi hinceta şerê li dijî terorê avê ji ser Sûriyê qut dike.
Lê em jê re dibêjin em Sûrî ne û ne ji mafî wî ye ku avê ji ser me qut bike.
Ebdulfetah El-Miftah got:
Bi vê qutkirinê, rêjeyek mezin a ava vexwarinê qirêj bûye.
Her wiha hejmarek mezin a masiyan jî telef bûye û gelek ziyan gihiştiye xelkên herêmê.
Em bang li civaka navneteweyî, rêxistên mafên mirovan û her kesê ku bi navê mirovahiyê dixebite, dikin ku zextê li dewleta bikin da ku van sûcên xwe bisekinîne.
Ji ber ku gelên Sûriyê û bi teybet xelkên herêmên Bakur û Rojhilatê welêt gelekî zirarê ji qutkirina ava Firatê dibînin, em banga berdana para xwe ji ava Firatê dikin.
