Li Idlibê keçeke 4 salî ku ji aliyê bavê xwe yê ku çeteyekî dewleta Tirk bû û rastî eşkençeyê dihat, jiyana xwe ji dest da.
Bûyerên ku li herêmên dagirkirî diqewimin, asta aqil û wijdanê derbas kirine.
Zaroka bi navê Nehla ku temenê wê tenê 6 sal bû, ji ber ku dixwest weke zarokan bijî, bi zincîran hatibû girêdan û bi wê êşkenceyê ji vê dinyayê bar kir.
Navenda Çavdêriya Sûrî ya Mafên Mirovan ragihand ku zaroka bi navê Nehel Osman a 6 salî ji hêla bavê xwe ve, rastî êşkenceyê dihat.
Çavdêriyê diyar kir ku bavê Nehela çeteyekî dewleta Tirk e û ji ber tevgera wê ya zêde, wê bi zincîrên hesin girêdida û di hindirê rekehê (qefes) de dihişt.
Jixwe Nehla ji xelkên bajarokê Kefer Secnayê ye û li gel bavê xwe li kampeke li navçeya Kllî ya bakurê Idlibê dima.
Çavdêriya Sûrî da zanîn ku çavkaniyên tenduristiyê dibêjin Nehla ji ber xwarina kêm û lêdana ku bavê wê lê dikir, pir nexweş bûbû û li nexweşxaneyê jiyana xwe ji dest da.
Navê te çi ye? Nehla ye.
Te çi dixwest? Min sendewîşek xwest.
Bavê min, min girêdide û gelekî li min dixe.
Çima li te dixe?
Ji ber ku ez diçim cem mala xalê xwe.
Dêya te kanî?
Li Tirkiye ye.