Hevserokê Nivîsgeha Parastinê ya Minbicê Hisên El-Ewnî û Rûspiyên Navçeya Dirbêsiyê diyar kirin ku Erka xweparastinê erkeke mirovî û exlaqî ye û divê hemû kes vê erka xwe pêk bînin.
Em bang li her aliyên peywendîdar dikin ku erka xwe parastinê pêk bîbin.,da ku parastin û ewlehiya herêmê misoger bikin.
Hevserokê Nivîsgeha Parastinê ya Minbicê Hisên El-Ewnî derbarê betalkirina erka xwe parastinê ku hin alî dixwazin pêk were axivî.
El Ewnî got:
“Hîn xeteriya dijmin û dagirkeran li ser me heye.
Hin alî ji bo armancên xwe yê dagirkeriyê pêkbînin, erka xwe parastinê dixin nîqaşê, daxwaza betalkirina wî dikin.
Ev hemû tişt ji bo derxistina fitneyê di nav pêkhateyan de ye.
Taybet erka xwe parastinê deverên ku ji çeteyan hatiye rizgarkirin hîn pêwîst e, nabe bê rakirin.
Rûspiyên Dirbêsiyê: Hin alî bi vê mijarê dixwazin armancên xwe pêkbînin
Siyasetmedar û rûspiyên navçeya Dirbêsiyê jî derbarê heman mijarê de axivîn.
Endamê Rêveberiya Desteya Rûspiyên Navçeya Dirbêsiyê ev Mihemed Mele Heysem Xelîl diyar kir kû hinkes vê mijarê ji bo derxistina fitneyê bikartînin.
Mele Heysem Xelîl dazanîn ku hêzên erka xwe parastinê welatê me ji terorîstan, ji xirabiyê û wêrankirinê diparêze.
Endamê Nivîsgeha Siyasî yê Partiya Aştiya Demokrat a Kurdistanê Muslim Ebas jî balkişan dîroka derxistina tevliheviyên li Minbicê û got:
Bûyerên li Minbicê qewimîn ne di kêliyekê de derketin.
Dema ku Rêveberiya Xweser hate avakirin de,hikumeta Şamê û dewleta Tirkiyê şaneyên veşartî xistin tevgerê.
Dewleta Tirk û Şam bi van şaneya armanc dikin ku pergala rêveberiya Xweser û ewlehiya herêmê têk bibin û di nav pêkhateyan de tevliheviyê derxînin.”
Di dawiyê de Hevserokê Nivîsgeha Parastinê ya Minbicê El-Ewnî û Rûspiyên Navçeya Dirbêsiyê bi yek dengî bang aliyên peywendîdar kirin divê erka xweparastinê xurtir bibe da ku parastina ewlehî, aramiya herêmê pêk,bînin.
Çavdêriya Sûrî: Alîgirên hikûmetê li Minbicê 1000 kesên çekdar birêxistin kirine
Li aliyekî din, Çavdêriya Sûrî ya Mafên Mirovan îro ragihand ku hin alîgirên Hikûmeta Sûrî li Minbicê çekan li şêniyên bajarê Minbic û gundewarên wê belav dikin.
Li gorî çavdêriyê, alîgirên hikûmetê ji eşîrên Benî Sadî, Bo Sultan û Bo Bena zêdetirî 1000 kes ji şêniyên Minbicê kom kir û di komên çekdar de ew birêxistin kir.
