Şerê li Şerîda Xezayê tevî hewldanên agirbestê û pevguhertina girtiyan didome û hejmara miriyan jî gihiştiye 40 hezar kesan.
Her wiha artêşa Îsraîlê duh ragihandibû ku ji destpêka şerê li Şerîda Xezayê zêdetirî 17 hezar çekdarên filistînî kuştine.
Li aliyê din Dohayê gera nû ya danûstandinan bi mebesta bidestxistina agirbestê navbeynkarên Amerîka, Qeter û Misirê roja Pêncşemê piştî nîvro li paytexta Qeterê bi şandeke Îsraîlî re civiyan.
Ji destpêka şerê Îsraîl û Hemasê wir ve hejmara miriyan gihişt 40 hezar kesan.
Ajansa fermî ya Filistînê WAFA’yê ragihand ku artêşa Îsraîlê li gelek deverên Şerîda Xezayê bi êrîşên hewayî û bejayî sivîlan kirin hedef.
Dema ku cenazeyên 5 kesan ji bin xirbeyên xaniyan hatin derxistin, 8 kesê bi birîndarî hatin rizgarkirin.
Balafireke bêmirov a artêşa Îsraîlê li nêzî Gundê Ez-Zaweyda ya li navenda Şerîda Xezayê hin kesan hedef girtin.
Di êrîşê de kesek mir û gelek kes jî birîndar bûn.
Li Kampa Penaberan a Nuseyrat ji ber ku leşkerên İsrailê bi drone gule berdan kesek mir.
Di dema ku yekîneyên zirxî yên artêşa Îsraîlê yên li bajarê Xezeyê bi cih bûne, ber bi Navçeya Zeytûnê ve gulebaran kirin, artêşa Îsraîlê li bajarê Refahê yê li başûrê Şerîda Xezayê jî topbarana xwe berdewam kir.
Balafirên şer ên Îsraîlê bi şev êrîşî bajarê Xan Yûnis ê li başûrê Şerîda Xezayê û Kampa Penaberan a Bureyc a li navenda wê kirin.
Artêşa Îsraîlê: Zêdetirî 17 hezar çekdarên li Şerîda Xezayê hatine kuştin
Her wiha artêşa Îsraîlê duh ragihandibû ku ji destpêka şerê li Şerîda Xezayê zêdetirî 17 hezar çekdarên filistînî kuştine.
Berdevkê Artêşê Danîel Hegarî got:
“Hêzên me li Xezayê şer dikin û me heta niha zêdetirî 17 hezar çekdar ji holê rakirin.”
Hemasê ji destpêka şer û vir ve hejmara kuştiyên endamên xwe eşkere nekiriye û hejmara artêşê jî nayê piştrastkirin.
Gera nû ya danûstandinên agirbestê dê îro jî bidome
Li aliyê din Dohayê gera nû ya danûstandinan bi mebesta bidestxistina agirbestê di şerê li Xezeyê de û nehiştina şer veguhere pevçûnek li seranserê herêmê dest pê kir.
Navbeynkarên Amerîka, Qeter û Misirê roja Pêncşemê piştî nîvro li paytexta Qeterê bi şandeke Îsraîlî re civiyan.
Hamas rasterast beşdarî hevdîtinan nabe.
Serokwezîrê Îsraîlî Benjamin Netanyahu berê bi sabotekirina danûstandinên agirbestê hatibû tawanbar kirin, lê berî çûyîna Dohayê raye ango erkên berfireh da koma xwe ya danûstandinan.
Hemasê di daxûyaniya xwe ya berî hevdîtinan de, daxwazên xwe dubare kir, ku divê gotûbêj li ser plana Biden bin.
Ji mijarên ku li ser li hev nehatine, berdewamiya hebûna leşkerên Îsraîlî li ser sînorê Xeza-Misrê, biryara serbestberdana dîlan û vegerandina sivîlên ji başûrê Xezeyê bo bakurê Xezayê ye.
