Sekreterê Giştî yê NATO’yê Mark Rutte li Brukserlê têkîldarî danûstandinên Rûsya û Ukraynayê de axivî.
Mark Rutte li ser pêşketinên derbarê garantiyên ewlehiyê yên piştî şer de ji bo Ukraynayê şîrove kir û got:
“Tam sê hefte berê ji bo amadekariya civîna Alaskayê, serkeftinek mezin mijara garantiyên ewlehiyê çêbû.
Em niha li ku ne? Ewropî biryarên xwe yên dawî di asta wezîr û lîderên parastinê de, digel hevkarên din didin.”
Rutte behsa civîna Zelensky bi lîderên Ewropî re li Parîsê kir û got:
“Sibê wê civînek girîng pêk were. Ji ber vê yekê, sibê an jî di demek kurt de zelaliyek li ser tiştê ku em dikarin bi hev re bi dest bixin, hêvî dikim.
Ev tê vê wateyê ku em dikarin bi aliyê Amerîkî re jî bi awayekî berfirehtir mijûl bibin û bibînin ka ew di warê beşdarbûna xwe, garantiyên ewlehiyê de çi dixwazin.”
Sekreterê Giştî da zanîn ku ger danûstandinên dualî an sêalî di navbera Putin û Zelensky de dest pê bikin, pir girîng e ku zelaliyek li ser garantiyên ewlehiyê were dayîn.
Meseleya peydakirina garantiyên ewlehiyê yên daîmî û astengker ji bo Ukraynayê di civîna li Washingtonê ya 18’ê Tebaxê de, ku Amerîka, Yekîtiya Ewropapyê, NATO û welatên Ewropî beşdar bûbûn, hat raberkirin.
Sekreterê Giştî yê NATO’yê Rutte di daxuyaniyên xwe de teqez kir ku Amerîka biryar daye ku di civînê de beşdarî van garantiyan bibe.
Rutte: Gefên ji Rûsyayê roj bi roj zêde dibin
Her wiha Mark Rutte balê kişand gefên Rûsyayê û teqez kir ku hemû Ewropa di bin “gefeke rasterast” a Rûsyayê de ye û got:
“Gefên ji Rûsyayê her roj zêde dibin. Bila em saf nebin.
Rojekê, ev dikare bandorê li Luksemburgê an welatê min, Holandayê jî bike.
Bi teknolojiyên nû yên moşekên Rûsyayê, cudahiya di navbera Lîtvanya û Luksemburg, Den Haag, an Madrîdê de tenê 5-10 deqe ye.
Ev dem e ku ev mûşek digihîjin her xalek li Ewropayê. Ji ber vê yekê, em hemû di bin gefa rasterast a Rûsyayê de ne.”
Trump: Ez ê ji bo parastina gelê Ukranya tiştekî baş bikim
Li aliyê din Serokê Amerîkayê Donald Trump nerazîbûna xwe ya li hember hevtayê xwe yê Rûsî Vladimir Putin nîşan da û got ku ew dixwaze ji bo rizgarkirina gelê Ukraynayê gavan bavêje.
Trump, şerê berdewam ê li welêt wekî bêwate bi nav kir û teqez kir ku bi hezaran kes di vê pêvajoyê de jiyana xwe ji dest didin.
Hêjayî gotinê ye ku ev şîrove piştî civîna di navbera serokên Amerîkî û Rûsî de li Alaskayê di meha borî hatibû li darxistin, lê ti pêşketinek berbiçav ji bo bidawîanîna şerê Ukraynayê çênebû.
