Li parzemîna Asyayê dema ku bandorên neyînî yên barîna zêde didomin, hejmara miriyan jî zêde bibe.
Li gorî nûçeya rojnameya herêmî, Navenda Rêveberiya Karesatan a Srî Lankayê daneyên dawî yên derbarê karesatên ku ji ber barîna zêde pêk hatine eşkere kirin.
Di daxuyaniyê de hate ragihandin ku hejmara kesên di karesatan de jiyana xwe ji dest dane bûye 627, lêgerîn û rizgarkirina 190 kesên winda berdewam dike.
Di daxuyaniyê de hate gotin ku barîna zêde bandoreke neyînî li ser zêdetirî 2 mîlyon û 170 hezar kesan kiriye.
Serokê Dewletê yê Srî Lankayê Anura Kumara ragihandibû ku ji ber zirarên mezin ên ku barîna zêde aniye, li tevahiya welêt rewşa awarte hate ragihandin.
Li Endonezyayê ji ber lehî û erdhejên ku hejmara miriyan derket 950
Her wiha Ajansa Neteweyî ya Rêveberiya Karesatan a Endonezyayê derbarê karesatên li Endonezyayê de daxuyanî da.
Di daxuyaniyê de hate diyarkirin ku hejmara miriyên lehî û erdhejinan gihîşt 950’î, zêdetirî 5 hezar kes birîndar bûne.
Hate gotin ku lêgerîna 274 kesên winda didome û zêdetirî 156 hezar avahî zirar dîtine.
Ajansê texmîn dike ku ji bo tamîrkirina zirarên binesaziyê yên li Girava Sumatrê, Endonezya dibe ku nêzî 3 milyar dolar xerc bike.
Hikumetê di şûna dayîna alîkariya pereyan de, ji bo “pêşîgirtina li îstîsmarên muxtemel” plan dike ku xanî rasterast ji aliyê dewletê ve bên çêkirin.
Rêveberê Ajansê di daxuyaniya xwe de destnîşan kir ku gava xebatên tesbîta zirarê li 3 eyaletan didomin, dibe ku buhayê veqetandî ji bo avakirina nû hîn zêdetir bibe.
Şewatên li Awistralyayê: Agirkujek mir, 39 xanî bûn xwelî
Li aliyê din Awistralyayê di şewatên daristanê yên li du eyaletên cuda derketine de agirkujek mir, 39 xanî bûn xwelî.
Rayedaran ragihandin ku bandora şewatê wê di rojên pêş de jî bidome.
Rayedarên eyaleta New South Wales (nîv sot wales) ragihandin ku agirkujê 59 salî yê ku 4’ê Kanûnê destwerdanê şewatê dikir, di bin dara hilweşiyayî de ma û paşê jiyana xwe ji dest da.
Rayedaran diyar kirin ku şewat li 52 cihên cuda yên eyaletê berdewam dike, 9 ji wan nehatine kontrolkirin û 3 hezar û 500 hektar daristan şewitîn.
Rayedaran got li eyaletê 20 xanî bûne xwelî û bandora şewatê wê di rojên pêş de jî bidome.
Rayedarên eyaleta Tazmanyayê ji Radyoya Awistralyayê re diyar kirin ku di şewatên ku dawiya hefteyê li bajarokek peravê derketibûn lê hatibûn vemirandin de 19 xanî şewitîn.
Rayedaran destnîşan kirin ku rêyên diçin bajarokê hîn girtî ne û ne ewle ye ku niştecih vegerin malên xwe.
