Almanya ji bo derketina hêzên biyanî ji Lîbya peyam da Tirkiyê

Li Lîbya tevî hemû hewildanên li qada navnetewî welat ji aramî û ewlehiyê dure.
Metirsiya çete û hêzên biyanî yên li Lîbya di her fersendê de, xwe didin der.
Welatên di nava hewildanên aramkirin û avkirina hikumeta Lîbyayê de kar dikin daxwaza derketina hêzên biyanî ji welat dikin.
Almanya herî dawî ji bo vê yekê careke din peyam da Tirkiye..
Wezîrê Karên Derve yê Almanya Heîko Maas daxwaz kir ku hêzên çekdar ên biyanî yên li Lîbyayê di zûtirîn dem de dest bi vekişînê bikin.

Li Lîbya asoya aramî û ewlehiyê, di bin siya mayîna çete û hêzên biyanî de maye.

Bi nêzbûna dema hilbijartinên li Lîbyayê ku wê 24’ê Kanûna 2021’an pêk were de, metirsiya hêz û çeteyên biyanî xwe daye der.

Almanya careke din ji bo derketina van hêzên biyanî ji welat, bang kir.

Wezîrê Karên Derve yê Almanya Heîko Maas, beriya civîna Konseya Ewlekariya Netewyên Yekbûyî ya tabet bi Lîbya axivî.

Maas diyar kir ku di serî de hêzên bi pere yên ji Sûrî ku li welat hatine bicihkirin divê derbikevin.

Piştî vê pêvajoyê pêwiste, hêzên biyanî yên heyî jî derbikevin.

Di civîna konseyê de wê, biyarên ku 23’ê Hezîranê li berlînê di civîna duyemîn ya navnetewî ku taybet bi Lîbya hatîn girtin de, li ser masê werin nîqaşkirin.

Di civîna duyemîn ya konseyê de, tevî Tirkiye, Rûsya, Misir û Îmarat nûnerên 16 welatan amade bûn û welatan careke din peyman ji nû ve îmze kiribûn.

Lê, her çend heman pêbendbûn di konferansa yekem a Çile de hatibe diyar kirin jî, di vekişîna hêzên biyanî de tu pêşveçûn çênebû.

Li gorî texmînên NY, li welêt hîn jî dora 20,000 hêzên çekdar ên biyanî hene.

Berevajî welatên din, li Lîbyayê hebûna rasterast a leşkerî ya Tirkiyeyê heye.

Tirkiye jî hebûna leşkerên xwe dispêre peymana 27 Mijdara 2019’an ku li gel hikumeta Wîfaq a Ixwana Mislimîn.

Ji ber vê yekê Enqere dibêje ku banga vekişîna leşkerên biyanî wê girê nade.

Li ser mijara vekişîna çete û artêşa Tirk ya ji Lîbya, beriya niha di navbera Berlîn û Enqerê de fikrên cuda derketibû.

Her weha Tirkiye li wê yekê mikur hatibû ku çeteyên ji Sûriye ji bo şerê li Lîbya şandiye herêmê.

Lê, nayê zanîn ka hêzên Sûrî hîn jî li Lîbyayê ne û çend ji wan xwe vekişandine.

Back to top button