Asayîşa PDK’ê nahêle şervanên Bakur û Rojhilatê Sûrî ku di şerê li dijî DAIŞ’ê de birîndar bûne û dixwazin xwe li wir derman bikin, derbasî Başûrê Kurdistanê bibin.
Her wekî li gorî agahiyên me bi dest xistine, Asayîşa Dihokê gef li ajokarên ku birîndarên şer dibin û tînin û hin pêwsîtiyên Rojava pêk tînin, xwariye.
Li tevahiya Bakur û Rojhilatê Sûrî û heta bi Şengalê şerê DAIŞ’ê kirine û birîndar bûne, lê Asayîşa PDK’ê rê nade ku ew derbasî Başûrê Kurdistanê bibin, da ku xwe derman bikin.
Şervanên QSD’ê, YPG û YPJ’ê ku tevahî Cîhanê pesnê wan dide û xwe deyndarê wan dibîne, lê ji ber biryareke siyasî, PDK’ê wan qebûl nake.
Di wextekê de ku, tevahiya dergehên sînorî li ser Bakur û Rojhilatê Sûrî girtî ne, vaya dergeha Sêmalka-Pêşxaûr jî dibe kelemek li pêşiya dermankirina van şervanan.
Çavkaniyên taybet ev agahî piştrast kirin û weke biryareke siyasî û istixbaratî bi nav dikin.
Sêmalka: Asayîşa PDK’ê nahêle malbatên Rêveberiya Xweser derbasî başûr bibin
Berpirsê Dergeha Sêmalka ya Sînorî Baz Ehmed jî, duh ji Ronahî TV re ragihand ku, “Asayîşa PDK’ê di bin bihanyên ewlehî istxibaratî de, rê nade malbatên nêzî Rêveberiya Xweser û QSD’ê, derbasî Başûrê Kurdistanê bibin”
Ehmede piştrast kir ku, “ji çaxa foma Istixbaratî ji hêla PDK’ê ve derketiye, daxwazên derbaskirin 106 kesên nêzî QSD’ê û Rêveberiya Xweser di bin bihanyên ewlehî de hatine redkirin”
Berî bêhtirî mehekê jî, Dergeha Sêmalka “Forma Istixbaratî” ku ji hêka PDK’ê ve hatiye sepandin şermezar kir û got ku “ev yek gelekî zehmetiyan dighîne wekatiyên dixwazin derbasî Başûrê Kurdistanê bibin”
Asayîşa Dihokê gefan li ajokarên alîkariya birîndarên şer dikin, dixwe
Mijar ne tenê ev e, lê belê kesên ku alîkatiya van malbat û şervanên birîndar jî bike, gef lê tê xwarin.
Li gorî agahiyên taybet, ajokarên ku şervanên birîndar dibirin û tanîn û hin pêwîstiyên malbatên bi Rêveberiya Xweser bi cih tanîn, gef ji aliyê Asayîşa Dihokê li wan hatiye xwarin.
Asayîşa navborî ji wan xwestiye ku nabe hûn bi Rêveberiya Xweser re kar bikin, yan jî hûn ê werin girtin, vê yekê hin ajokar neçar kiriye, ku erebeyên xwe bifroşin û dest ji karê xwe berdin.
Ev gav di çaxekê de ye ku 43 roj in nûnerên Rêveberiya Xweser û PYD li Hewlêrê girtî ne û ev jî weke helwesteke siyasî ya PDK’ê li dijî Rojavayê Kurdistanê tê pênasekirin,
