Krîza S-400 ku di navbera Waşîngton û Enqerê de heyî, careke din di rojevê de ye. Rûsya ragihand ku ji bo komek nû ya S-400’ên nûjen bifiroşin Tirkiyê xebatên dawî tên kirin. DYA li dijî vê yekê helwest nîşan da û gefa cezayên nû li Tirkiyê xwar. Rûsya ji li ber Tirkiyê dizivire ku çekên nû bifiroşe.
Gefxwarin û xweşmêriya Serokomarê Tirkiye Erdogan ji sînorê Tirkiyê derbas nebû.
Polîtîkayên Erdogan yên li hindir û derveyî welat, di nava welatên cîhanê de jî bûye cihê nerazîbûnê.
Berpirsa Şêwirmendiya Karûbarên Siyaseta Wezareta Karên Derve ya DYA Victoria Nuland di rûniştina Senatoyê ya li ser têkiliyên bi Tirkiyê re bersiv da pirsên senatoran.
Victoria Nuland bibîr xist ku cezayên ku rêveberiya DYA ku di mijara S-400’an de li ser Tirkiyê ferz kirî hîna dewam dike û Enqere hişyar kir.
“Ger pergalên çekên mezin ên nû ji Rûsyayê bên kirîn wê cezayên nû jî bikevin meriyetê.”
Ji ber kirîna S-400, di çarçoveya Qanûna Têkoşîna bi Rêya Pêkanînan a li dijî Neyarên DYA (CAATSA) tirkiye xistibû lîsteya cezayan.
Serokatiya Pişesaziya Parastinê ya Tirkiyê, serokê wê Îsmaîl Demîr û sê rayedarên wê biryara pêkanînan hatibû dayîn.
“Biden di mijara cezayên CAATSA yên li dijî Tirkiyê de bibiryare”
Her wiha li gorî Ajansa Reutersê ku nûçeya xwe ya spartî çavkaniyek dîplomat wiha got:
Biden di mijara cezayên CAATSA yên li dijî Tirkiye de bi biryare.
Di krîna sîstema parastinê ya nû de jî wê cezayên nû ferz bike.
Rûsya: Hevdîtin di qonaxa dawî de ye
Rêveberê Şirketa Rosoboronexport a girêdayî wezareta parastina dewleta Rûsya Aleksander Mikheyev 20’ê Tîrmehê ragihand ku wan projeyek ji bo barkirina komên nû yên pergalên S-400 bo Tirkiyê çêkiriye û ew hêvî dikin ku proje di mehên bê de pêk were.
Mikheyev diyar kir ku axaftin di qonaxa dawîn de ne, ji bo hevkariya teknolojîk ew di pêvajoya afirandina bername û modelek darayî de ne.
Piştî ku DYA ji ber S-400an Tirkiye ji projeya balafirên şer a F-35 derxist, Rûsyayê eşkere kiribû ku ew amade ye balafirên Su-35 û Su-57 bifroşe Tirkiyê.
