Felaketa ku barana zêde bi xwere dayî anîn li gelek welatan heman dimen radixe ber çavan. Dibe ku bajar, welat û parzemîn jî ji hev cuda bin.
Lê piştî lêhiyên ku ji ber barana zêde derketî, Çîn, Hindistan, Tirkiye û welatên Ewropa dinav de rewşek aloz derketiye. Tenê li Hindistanê ji ber lehî û şemitîna axê 136 kes mirin. Li bajarê Artvîn yê Tirkiye jî banra rawestiya, lê kolan di nava heriyê de mane.
Guherîna rewşa avhewayê bi mirovan zehmetiyên jiyanî da avakirin.
Di werza havînê de li gelek welatên cîhanê ji ber barana zêde ku bûyî sedema lehiyê bi sedan kes mirin.
Herî dawî ji ber barana Mûsonê ya li Hindistanê rewşa jiyanê zehmet bûye.
Bajar di nava avê de mane û her kêliya derbas dibe jimara qurbaniyan zêdetir dibe.
Li gorî hikumeta Hindistanê zêdeyî 136 kes mirine.
Hêzên Hewayî yên Hindistanê jî ji bo rizgarkirina kesên di nava lehiyê de mayîn ketine tevgerê.
Doh ji ber barana bihêz ya li Maharaştra 47 kesan jiyana xwe ji dest dabûn û herî kêm 30 jî winda bûbûn.
Li Mumbaî ya ku baranaeke dijwar lê bariya jî ji ber şemitîna erdê 29 kes miribûn.
Li bajarê Xinxiangê li cihê maşîneyan keştî tên bikaranîn
Li Çînê jî dimenenên ku derketine ji yê Hindistanê ne kême.
Rêyên bajarê Xinxiangê ku mirov têre dimeşiyan niha ji avê tejî bûne.
Ji bo gera li bajar li cihê maşîneyan, êdî keştiyên biçûk tên bikaranîn.
Li herêma Zhengzhou jî xebatên paqijkirina ji bermahiyên lêhiyê dewam dike.
Li Çînê ji ber barana zêde ku bû sedema lêhiyê heta niha zêdeyî 51 kes mirine û bi sedhezaran kes jî ji bo cihên ewle hatin veguhestin.
Eyaleta Henan ya ku xwedî 100 milyon niştecihî ye, herî zêde ji vê yekê bandor bû.
Baran rawestiya, kolan di nava heriyê de man
Li Tirkiyê jî rewş hemane.
Li herêma Derya Reş, ji ber barana zêde bajarê Artvîn zehmetiyên mezin dît.
Barana ku 14’ê Tîrmehê despêkirî bû sedema ku herî kêm 6 kes jiyana xwe ji dest bidin.
Baran rawestiya lê heriya ku bi xwere aniyî li erdê maye.
