Belê di demeke ku cîhana me ji germaya û sermaya herî dijwar dijî de, Wezîrên Hawirdorê yên G20 li Îtalya civiyan. Lê dicivîna wezîran de careke din nelihevkirin derket pêş.
Wezîrê Îtalya Roberto Cingolani ku malovaniya civînê dike, ragihand ku wan li ser du mijarên krîza avhewayê li hev nekirine. Di vê navberê de bi hezaran kes li dijî wezîran li Napolî meşiyan.
Di civîna wezîrên enerjî û hawirdor yên G20 ku li Îtalya 22’ê Tîrmehê despêkirî de, nelihevkirin derket.
Wezîrê Veguheztina Ekolojî ya Îtalya Roberto Cingolani روبرتو سينغولاني, ragihand ku wan piştî daxuyaniya çapemeniya roja yekem ji civînê li ser danezana dawîn a ji 25 xalan qebûl kirine.
Cingolani diyar kir ku bi taybet danûstandinên bi Çîn, Rûsya û Hindistanê re dijwar bûn.
Di danezana Wezîrên Hawirdorê yên G20 pejirandî de, wiha hate gotin:
“Weke Wezîrên Hawirdorê yên G20, em pirsgirêkên mebestên guherîna avhewa, windabûna cihêrengiya biyolojî, qirêjbûn, windakirina jîngehê, celebên biyanî yên dagîrker, xirabkirina axê, çolbûn, kêmbûna paqijiya di okyanûs û deryayê de û karanîna neguhêrbar a ava şirîn û yên din ên xwezayî çareser dikin.”
Wezîran diyar kirin ku ew bawer dikin derbaskirina van pirsgirêkan ji bo başbûna mirov, aboriya domdar, hilberîn û mezaxtina domdar girîng e.
Wezîrê Îtalî Cingolani jî dazanîn ku hempîşeyên wî di derbarê krîza avhewa de li ser du mijaran li hev nakin û dê van pirsgirêkan ji serokên dewlet û hikumetê re bişînin da ku biryara dawîn bidin.
Bi hezaran kes li dijî polîtîkayên Wezîrên Hawirdorê yên G20 li Napolî meşiyan
Di vê navberê de, ji ber civîna Wezîrên Hawirdorê yên G20, tevahiya rojê li nuqteyên cûda yên bajarê Napolî xwepêşandan hatin li dar xistin.
Di nava xwepêşandêrên li Qada Bovio بوفيوya Napolî û hêzên ewlekariyê de pevçûn derketin.
Wezîr her weha dê îro di civînek hevpar de digel wezîrên berpirsiyarê avhewa û enerjiyê bicivin da ku li dijî guherîna avhewa, pêşxistina nêrînek hevpar di enerjiyê de û qadên hevkariyê xurt bikin.
