Li Efxanistanê şerê navbera hikumetê û çekdarên Talîbanê gur bûye. Hêzên Efxan karîn navçeyek li parêzgeha Herat ya welat ji Talîbanê vegerînin.
Hêzên Efxan li sînorê Pakistanê jî ji bo parastina sînorê Torxam nêzî 200 hezar leşker xistiye tevgerê. Serokê DYA tevî reşa heyî careke din piştevaniya xwe ya bi hikumeta Efxanistanê re ragihand.
Di demeke ku hêzên biyanî ji Efxanistanê vedikişin de, li welat şer gur bûye.
Wezareta Parastinê ya Efxanistanê bi daxuyaniyekê ragihand ku hêzên wan oparasyonên xwe yên ji bo rizgarkirina herêmên ku ketine kontrola Talîbanê didomînin.
Di encama van oparasyonan de navçeya Karuh ya parêzgeha Herat ji Talîbanê hate paqijkirin.
Di şerê li herêmê rû dayî de, 15 çekdarên Talîbanê hatin kuştin û 20 jî birîndar bûn.
Parêzgeha Herat dikeve sînorê rojavayê welat yê bi Îranê re.
Piraniya navçeyên parêzgehê di bin kontrola Talîbanê de ye.
Li 10 parêzgehên Efxanistanê şer rûda
Di nava 48 saetên derbasbûyî de li 10 parêzgehan, di navbera aliyan de şerên dijwar rûdan.
Wezareta Parastinê ya Efxanistanê jî îdia kir ku di encmaa van şeran de, 152 çekdarên Talîbanê hatine kuştin û 53 jî birîndar bûne.
Heta niha li ser mijarê Talîbanê ti daxuyaniyek ne daye.
Nêzî 200 hezar leşkerên Efxanistanê ji bo parastina torxam ketin tevgerê
Li sînorê Efxanistan yê bi Pakistanê re jî tevgerek zêde ya leşkerî heye.
Hêzên Efxanistanê ji bo parastina herêma Torxan hêzên xwe li herêmê bicih kirin.
Nêzî 2000 hezar hêzên taybet û leşkerên Efxan li çerxerêya herêmê kom bûn.
Li gorî daxuyaniyên fermandariya giştî ya DYA, ji 419 navçeyan zêdeyî 200 di destê Talîbanê de ne.
Serokê DYA Biden piştevaniya bi Efxanistanê re dubare kir
Hemwextî van bûyeran DYA careke din piştevaniya xwe ya bi Efxanistanê re ragihand.
Têkildarî rewşa dawî ya li Efxanistanê Serokê Amerîka Jeo Biden û Serokê Efxanistanê Eşref Xenî, duh pêwendiyeke telfonê pêkanîn.
Li gorî daxuyaniya Koşka Spî lîderan diryarkirine ku ” Êrîşên çekdarên Talîbanê berovajî daxwazên wan yên çareseriya nakokiyan e.”
Di daxuyaniyê de hat teqez kirin ku wê piştevaniya Amerîka ji bo Efxanistanê bidome.
Jeo Biden ji bo aliyariya mirovî û Fona Hêzên Ewlekariyê yên Efxanistanê ji Kongrêsê 3,3 milyar dolar xwest.
Ji bo kirîna sotemenî, cebilxane û parçeyên yedek ji aliyê hêzên Efxanî re 1 milyar dolar hatiye diyar kirin.
Her wiha ji bo dayîna mûçeyên hêzên ewlekariyê wê 700 milyon dolar û ji bo piştgiriya operasyonên jî 1 milyar dolar were veqetandin.
Di daxuyaniyê de hat ragihandin ku, Serokê DYA Jeo Biden banga yekîtiyê li Efxanan kiriye û ji bo piştevaniya çaresariya siyasî û domdar, wê xebatên xwe yên dîplomatîk bidomîne.
