Malpera Medya News îro beşa duyemîn a hevpeyîna li gel Endamê Komîteya Rêveber a PKK’ê Murat Karayilan weşand.
Karayilan di vê beşê de bicihkirina PKK’ê di lîsteya terorê de û helwesta hêzên cîhanê li hemberî doza gelê Kurd nirxand.
Beşa duyemîn a hevpeyvîna Endamê Komîteya Rêveber a PKK’ê Murat Karayilan li gel Medya News hat belavkirin.
Di hevpeyvînê de rapora Parlementoya Ingilîstanê ya binavê “nûnertî û wekheviya Kurdan li nava Tirkiyê” tê birîxistin û ev pirs ji Karayilan tê kirin:
Tevî ku ti biryareke dadgehên Ewrûpayê tine ye jî ji ber çi PKK’ê li “lîsteya terorê” hatiye bicihkirin.
Murat Karayilan anî ziman ku Amerîka û welatên Yekîtiya Ewrûpayê ji bo berjewendiyên xwe ên siyasî û aborî PKK’ê xistine nava lîsteya terorê.
“Eger PKK ji lîsteya terorê were derxistin wê şer raweste”
Eger ev hêz PKK’ê ji lîstê derxînin wê şer raweste û pêvajoya aştiyê destpê bike.
Eger bi rastî Amerîk û Ewrûpa alîgirîn azadiyê ne, divê dawî li vê neheqiyê bînin.
Van hêzên her gavê bi çavê dewleta Tirk li doza Kurdistanê temaşe kirin.
Ji ber çendê jî PKK’ê weke rêxistina terorê binav dikin.
Wek mînak,
Sala 1985 serokwezîrê Swêdê ku dostê tevgerên azadîxwaz bû, Olof Palme kuştin û paşê xistin stûyê PKK’ê.
Armanc jê ew bû ku PKK weke tevgereke terorîst ragihînin.
Lê paşê derket holê ku ti pêwendiya PKK’ê bi bûyerê re tine ye.
Divê were zanîn ku ti carî dewleta Tirk bi tena xwe li hemberî me şer nekir.
Her gavê bi desteka hêzên NATO êrişî tevger û gelê me kir. Her tim destek dan zilam dewleta Tirk.
Di vî warî de herî zêde jî dewleta Alman piştgiriya êrişên Tirkiyê dike.
Bêtirî 150 sal in vê dijminahiya xwe a li hemberî Kurdan dewam dike.
Fikrên Rêber Apo hişt ku têkoşîna Kurdan bibe hêviya azadiya gelan
Îro li Kurdistanê ne bi tenê ji bo Kurdan, ji bo gelan jî têkoşîn tê dayîn.
Fikr û paradîgmaya Rêber Abdullah Ocalan, bi taybetî wekî xeta rizgariya jinan, rewşeke şoreşger derxistiye holê û bûye çavkaniya hêviya gelan.
Ev têkoşîna sosyalîzma demokratîk e, têkoşîna gelan e, têkoşîna azadiyê ye.
Ji bo vê divê hêzên demokratîk û sosyalîst ên dinyayê piştgiriyê bidin gelê Kurd û vê fikrê.
Dagirkeriya Tirkan wekî rejîmeke faşîst dixwaze têkoşîna azadiyê ya gelan têk bibe.
Hesabê wan ev bû ku me îsal tasfiye bikin, Başûrê Kurdistanê dagir bikin û hilbijartinan bikin.
Lê ji ber berxwedana gerîlla û gelê me, negihiştin armancên xwe.
“Hêviya me xurte û em bi hêza xwe bawerin”
Tevî hemû êrişan jî hêvî û baweriya me heye.
Beriya her tiştî em bi hêza xwe û hêza gelan bawer dikin.
Em tenê pişta xwe dispêrin xwe, hêzên xwe, dostaniya gelan û piştevaniya enternasyonal.
Em di wê baweriyê de ne ku têkoşîna me ya ji bo azadî, demokrasî û wekheviyê, wê bi pêşengiya jin û ciwanan bi ser bikeve û piştgiriya ku heq dike ji cîhanê werbigire.
