Tevger û rêxistinên jinan ên Bakur û Rojhilatê Sûriyê vekirina “Nivîsgeha Pirjiniyê” li herêmên ku ji aliyê dewleta Tirk û çeteyên wê ve hatine dagirkirin şermezar kir û diyar kirin ku ev binpêkirina tevahî rêgez û qanûnên navnetewî yên derbarê jinan de ye.
Dewleta Tirk a dagirker û çeteyên xwe tevahî herêmên ku dagirkirî li jinan kirine dojeh.
Roj nîne ku destdirêjî, bemafî, revandin û heqaret li jinan neyê kirin.
Herî dawî jî li Ezaza dagirkirî “Nivîsgeha Pirjiniyê” vekir.
Ev bêrûmetkirina jinê û pêşxistina sistema caîretiyê ye.
Tevger û rêxistinên jinan ên Bakur û Rojhilatê Sûriyê bi daxuyaniyeke hevbeş vekirina “Nivîsgeha Pirjiniyê” şermezarkirin.
Di daxuyaniya Hevbes a hatî dayîn de wiha hate gotin;
Bi destpêkirina tevgera aştiyane ya li Suriyê re, jin bi xurtî tev lî bûn û pêşengî ji şoreşê re kirin.
Jinan li dijî rejîmên desthilatdar û kevneşopiyên paşvero, xwe pêşxistin, xwe parastin û sazûmaniyeke xwe ava kir, hewl da civakeke tê de edalet, wekhevî û nirxên exlaqî hebe, ava bike.
Di daxuyaniyê de hate destnişankirin ku îro carek din dixwazin destkeftiyên jinan ji holê rakirin û astengiyan danin û wiha domand;
“Sucên li dijî jinan gihiştiye astekî metirsîdar, jin tên kuştin, revandin û bi darê zorê tên zewicandin. Ev suc tevahî li herêmên dibin serweriya dewleta Tirk a dagirker û çeteyên wê de pêk tên.
Ev yek binpêkirina tevahî rêgez, çand û qanûnên navneteweyî yên jinan e û armanca wê şkandina vîna jinan û têkbirina têkoşîna wê ya ji hezar salan ve ye.”
Navên tevger û rêxistinên ku ev daxuyanî dane, ev in:
Komîteya Çalakiyên Tevgerên Jinan a Bakur û Rojhilatê Sûriyê
Meclisa Jinan a Bakur û Rojhilatê Sûriyê
Kongreya Star
Meclisa Jinên Sûriyê
Meclisa Jinan a PYD’ê
Meclisa Jinan a Partiya Sûriya Pêşerojê
Yekitiya Jinên Suryan
Nivîsgeha Jinan a MSD’ê
Nivîsgeha jinan a TEV-DEM’ê
Yekitiya Jinên Ciwan
Navenda Lêkolîn û Parastina Mafên Jinan.
