Serokomarê Tirkiye Erdogan ji bo hevdîtin û tenê kişandina wêneyekê li gel Serokê DYA Biden her tiştî dike.
Rejîma Erdogan ji bo vê daxwaza wê pêk bîne, ketiye nav danûstandinên li gel DYA.
Lê Waşîngtonê careke din dilê erdogan rehet nekir.
Şêwirmendê Ewlehiya Neteweyî yê Amerîkayê Sullivan got,
Bendewarî heye, lê nikarin piştrast bikin.
Şêwirmendê Ewlehiya Neteweyî yê Amerîkayê Jake Sullivan der barê plana hevdîtina Serokê Amerîkayê Joe Biden û Serokomarê Tirkiye Recep Tayyîp Erdogan a di Lûtkeya Avhewayê ya Neteweyên Yekbûyî ya ku hefteya pêş da li Glasgowê tê lidarxistin de daxuyanî da.
Sullivan di balafira Biden a ku ji bo beşdarbûna Lûtkeya G20ê çûbû Romayê de bersiva pirsên rojnamevanan da û got,
“Ez nikarim piştrast bikim, lê bendewariya heyî ev e.”
Enqereya ku ji ber pergala parastinê ya S-400î ya ku ji Rûsyayê kirî ji aliyê Washingtonê ve ji bernameya F-35an hat derxistin, ji DYAyê 1,4 milyar dolar vegerê dixwaze.
Serokomar Erdogan roja Çarşemê di daxuyanîya ku da de destnîşan kir ew ê li Glasgowê bi Biden re hevdîtinê bikin û mijara herî girîng ya hevdîtinê jî F-35’e.
Erdogan der barê îadekirina pereyê de jî wiha got:
“Hin agahî di asta jêr de me girtî hene.
Di derbarê dayîna F-16’an de hinek agahî girtine..
Agahiyên ku me girtin ew e, planek heye ku ji bo vî karî bi wan pereyan bikin.”
“Wê mijara F-16’an jî bi S-400’an ve were girêdan”
Li gorî nûçeya AFP, Rayedarekî Amerîkî got, biryara Enqereyê ya F-16’an jî wê bi mijara S-400’an ve bê girêdan.
Ji ber heman mijarê Enqere ji çêkirin û kirîna bernameya F-35’an hatibû derxistin.
Washington îdia dike ku ku sîstemên parastina moşekî yên ku ji aliyê Rûsyayê ve hatine çêkirin, metirsiyê li ser sîstema F-35 a ku ji aliyê gelek hevalbendên NATO ve tê bikaranîn dike.
Sedema bingehîn ya Waşîngtonê jî ew e ku Moskowa bi rêya sîstema S-400 agahiyên derbrê balefira herî pêşketî ya NATO ku ji cureya F-35’an e çêbike.
Doh şandeke Wezareta Parastinê ya Amerîkayê li Enqerê derbarê derxistina Tirkiyê ji bernameya F-35’an de hevdîtin pêk anîbûn û piştî civînê Wezareta Parastinê ya Tirkiyê ragihandibû ku “lihev kirin ku danûstandin dewam bin”.
Piştî van hevdîtinan hat ragihandin ku Wezîrê Parastina Hulusî Akar û hempîşeyê xwe yê Amerîkî Lloyd Austin jî bi têlefonê axivîn.
Di peywendiya telefonî de hat gotin, mijarên parastin û ewlehiyê yên dualî û herêmî hatin gotûbêjkirin.
